වෙනම රාජ්‍යයකට සහාය ලබාදුන්නේ නම් තමන් ශ්‍රී ලංකාවට නොපැමිණෙන බව ගෝලීය ද්‍රවිඩ සංසදයේ (GTF) ප්‍රකාශක සුරේන් සුරේන්ද්‍රන් ප්‍රකාශ කළේය.

ශ්‍රී ලංකා පොදුජන පෙරමුණේ හිටපු ප්‍රධානියකු වන සරත් වීරසේකර, උතුරු හා නැගෙනහිර පළාත්වල වෙනම රාජ්‍යයක් සඳහා යුද්ධ කළ දෙමළ ඊළාම් විමුක්ති කොටි සංවිධානයට (එල්ටීටීඊ) සහාය දෙන්නේ දැයි ඔහුගෙන් විමසූ විට එක්සත් රාජධානිය පදනම් කරගත් ගෝලීය ද්‍රවිඩ සංසදයේ නියෝජිතයා එසේ පැවසීය.

කථානායක මහින්ද යාපා අබේවර්ධනගේ ප්‍රධානත්වයෙන් පාර්ලිමේන්තුවේ කමිටු ශාලා අංක 02 හි පැවැති රැස්වීමකදී හිටපු මහජන ආරක්ෂක ඇමැතිවරයා මෙම ගැටලුව මතු කළේය.

ගෝලීය ද්‍රවිඩ සංසදයේ නියෝජිත පිරිස මෙරටට පැමිණ ඇත්තේ, ප්‍රජාවන් එකට ඉදිරියට යා යුත්තේ කෙසේද යන්න පිළිබඳ පශ්චාත් යුද සම්මුතියක් ඇතිකර ගැනීම සඳහා රජය සහ අනෙකුත් දේශපාලන පක්ෂ සමඟ සාකච්ඡා කිරීම වෙනුවෙනි.

දේශපාලන ආරංචි මාර්ග පැවසුවේ දැනට පවතින ක්‍රියාවලිය පිළිබඳ දැනුවත් කිරීම සඳහා ගෝලීය ද්‍රවිඩ සංසදය මන්ත්‍රීවරුන් හමුවූ බවයි.

ජනවාර්ගික ප්‍රශ්නය විසඳීම සඳහා 1988 දී පනවන ලද 13 වැනි ආණ්ඩුක්‍රම ව්‍යවස්ථා සංශෝධනය ඇතුළු ඇතැම් වැඩසටහන්වලට එරෙහිව විරෝධතා මතුවීම නිසා එම බෞද්ධ පූජකවරුන් සමඟ සම්මුතියක් ඇතිකර ගැනීමට හේතු වූ බව සුරේන්ද්‍රන් පැහැදිලි කර ඇත.

රටේ ඒකීය රාජ්‍යයට තර්ජනයක් වූ සෑම අවස්ථාවකම බෞද්ධ පූජකවරුන් ඉදිරිපත් වූ බව වීරසේකර මන්ත්‍රීවරයා පෙන්වාදුන්නේය.

පසුගිය වසර 2500 පුරා රට ආක්‍රමණ 17කට මුහුණදුන් කාලසීමාවල බෞද්ධ පූජ්‍ය පක්ෂය රට ආරක්‍ෂා කළ බව පෙන්වාදුන් වීරසේකර මන්ත්‍රීවරයා එල්.ටී.ටී.ඊ.ය වෙනම රාජ්‍යයක් සඳහා සටන් කළ බව පැවැසීය.

ඔහු පැවසුවේ “ත්‍රස්තවාදය යනු දේශපාලන අරමුණක් ඉටුකර ගැනීම සඳහා අහිංසකයන් ඝාතනය කිරීමක්. එබැවින් ත්‍රස්තවාදයට හේතුව සාධාරණද නැද්ද යන්න සාධාරණීකරණය කළ නොහැකියි. අපි ත්‍රස්තවාදය සම්පූර්ණයෙන් පරාජය කළත් බටහිර රටවල් එල්.ටී.ටී.ඊ සංවිධානය සැමරීමට ඉඩදෙන බව අපට පෙනීයනවා.”යනුවෙනි.

ඔබ එල්ටීටීඊයට සහාය දෙනවාදැයි වීරසේකර මන්ත්‍රීවරයා සුරේන්ද්‍රන්ගෙන් විමසූ විට ඔහු පැවසුවේ ඔවුන් වෙනම රාජ්‍යයක් සඳහා සහාය නොවන බවයි.

වෙනම රාජ්‍යයක් වෙනුවෙන් පෙනී සිටියා නම් මෙහි නොපැමිණෙන බවද ඔහු පවසා තිබේ.