December 21, 2025
තමාට අසාධාරණ ලෙස ක්රීඩා සම්මානයක් අහිමි වූ බවට ශිෂ්යාවක් ප්රකාශ කරමින්, සිරිමාවෝ බණ්ඩාරනායක විද්යාලයේ වාර්ෂික වර්ණ රාත්රී උත්සවයෙන් පසුව සමාජ මාධ්යවල හුවමාරුවන වීඩියෝවක්, පුළුල් මහජන විවාදයක් ඇතිකර තිබේ.
වේගයෙන් ව්යාප්තවී ඇති මෙම වීඩියෝවේ, දෙසැම්බර් 19 වැනි දින පැවති වර්ණ රාත්රී උත්සවයේදී තමාට සම්මානයක් නොලැබුණු බවට අදාළ ශිෂ්යාව ප්රසිද්ධියේ ප්රකාශ කරන බව පෙන්වන අතර, එය ඇගේ ජයග්රහණ රැසක් තිබියදීත් වර්ණ රාත්රියේ පෙරහුරුවලට සහභාගී නොවීම නිසා සිදු වූ බවට ඇය චෝදනා කරයි.
එය සංසරණය වූ දා සිට, වීඩියෝව අන්තර්ජාලය තුළ මිශ්ර ප්රතිචාර ඇති කර තිබේ.
සමහර සමාජ මාධ්ය පරිශීලකයින් ශිෂ්යාව මෙලෙස අදහස් දැක්වීම ගැන ප්රශංසා කළ අතර, ඇයගේ ක්රියාවන් නිර්භීත ලෙස විස්තර කර ඇත.
ඇයට සැබවින්ම අසාධාරණයක් සිදුවී ඇති බව බොහෝදෙනා තර්ක කරති.
තවත් සමහරු තර්ක කරන්නේ, එහිදී අදාළ සම්මානය ලැබූ අනෙක් ශිෂ්යාවට මෙම ප්රසිද්ධ ප්රකාශය අසාධාරණ බවත්, ඇය ඒ වෙනුවෙන් සමානව සුදුසුකම් ලබා ඇති බවත්ය.
මේ අතර, සිරිමාවෝ බණ්ඩාරනායක විද්යාලයේ ආදි ශිෂ්ය සංගමය නිවේදනයක් නිකුත් කරමින් ස්කොෂ් ක්රීඩිකාව සහ ඊට සම්බන්ධ පිහිනුම් ක්රීඩිකාව යන දෙදෙනාම ඔවුන්ගේ ක්රීඩා ජයග්රහණ හරහා පාසලට ගෞරවයක් සහ පිළිගැනීමක් ගෙන දී ඇති බවත් පිළිගනී.
සුදුසුකම් ලත් ක්රීඩා විශේෂඥයින්ගෙන් සමන්විත මණ්ඩලයක් ඉදිරියේ, මේ සම්බන්ධයෙන් මැදිහත් වී සාධාරණ, අපක්ෂපාතී සහ විනිවිද පෙනෙන පරීක්ෂණයක් පවත්වන ලෙස පාසල් පරිපාලනයෙන් ඉල්ලා සිටින බව සංගමය පවසයි.
විමර්ශනය අවසන් වූ පසු වාර්තාවක් ලබාදෙන බව එහි වැඩිදුරටත් සඳහන් වේ.
එතෙක්, අදාළ සිසුන්ට අහිතකර ලෙස බලපාන හෝ පාසලේ කීර්තිනාමයට හානිකළ හැකි සටහන් හෝ ප්රකාශ බෙදාගැනීමෙන් හෝ සංසරණය කිරීමෙන් වළකින ලෙස ආදි ශිෂ්ය සංගමය සියලු පාර්ශවයන්ගෙන් ඉල්ලා සිටියි.
පාසල් පරිපාලනය තවමත් මහජන ප්රතිචාර සම්බන්ධයෙන් ප්රකාශයක් නිකුත් කර නොමැත.
