හිටපු පකිස්ථාන අගමැති ඉම්රාන් ඛාන් සිරගෙදරදී මියගිය බවට පැතිර යන කටකතා මධ්‍යයේ, සිරගත කර සිටින නායකයා හමුවීමට ඉල්ලීම නිසා පොලිසිය විසින් තමන්ට “ම්ලේච්ඡ ලෙස පහරදුන්” බව ඔහුගේ සහෝදරියන් තිදෙනා කියාසිටිති.

පසුගියදා රාවල්පින්ඩි හි අදියාලා බන්ධනාගාරය ඉදිරිපිට රැස්ව සිටි පාකිස්තාන ටෙහ්රීක්-ඊ-ඉන්සාෆ් (පීටීඅයි) ආධාරකරුවන් සමඟ පොලිසිය තමන්ට පහරදුන් බව ඉම්රාන් ඛාන්ගේ සහෝදරියන් වන නොරීන් ඛාන්, අලීමා ඛාන් සහ උස්මා ඛාන් චෝදනා කර ඇත්තේ, බලධාරීන්ට හිටපු අගමැති හමුවීමට අවසර දෙන ලෙස ඉල්ලා සිටිමිනි.

ඉම්රාන් ඛාන් 2023 සිට අදියාලා බන්ධනාගාරයේ රඳවා ඇත.

සති තුනකට වැඩි කාලයක් තම සහෝදරයා හමුවීමට අවසර දී නොමැති බව ඛාන්ගේ සහෝදරියන් චෝදනා කර තිබේ.

“ඉම්රාන් ඛාන් හමුවීමට උත්සාහ කිරීම අපරාධයක්” යැයි පවසමින් පොලිස් නිලධාරීන් “ඔවුන්ට පහර දී” “කුරිරු ලෙස කටයුතු කළ” බව ඛාන්ගේ PTI පක්ෂය පැවසීය.

ආඩියාලා බන්ධනාගාරයෙන් පිටත ඛාන්ගේ සහෝදරියන්ට සහ ආධාරකරුවන්ට එල්ල වූ “ම්ලේච්ඡ” පොලිස් ප්‍රහාරය සම්බන්ධයෙන් අපක්ෂපාතී පරීක්ෂණයක් පවත්වන ලෙස ද පක්ෂය ඉල්ලා තිබේ.(NDTV)