එකතු කළ අගය මත බද්ද ලබන වසරේ සිට සියයට 18 දක්වා ඉහළ නැංවීම සාධාරණීකරණය කරමින් ජනාධිපති රනිල් වික්‍රමසිංහ පාර්ලිමේන්තුවේදී ප්‍රකාශ කළේ, ඉන්දියාව පවා විශේෂයෙන්ම තොරතුරු තාක්ෂණ අංශයෙන් සියයට 18ක භාණ්ඩ හා සේවා බද්දක් (GST) අය කරන බවයි.

“වැට් බද්ද සියයට 18 දක්වා වැඩි කිරීම අපේ ප්‍රතිපත්තියයි. ඒ නිසා හැම අංශයකටම එය පැනවිය යුතුයි. ඔබට සමහර සේවාවන් නිදහස් කර අනෙකුත් අංශ වැට් යටතට පත්කිරීමට නොහැකියි” ජනාධිපතිවරයා පැවසීය.

“වැට් බද්ද සියයට 18 දක්වා වැඩිකිරීම ගැන තොරතුරු තාක්ෂණ අංශයේ සමහරු කෑ ගහනවා. කෙසේවෙතත්, ඒවායින් බොහොමයක් අපනයනය ඉලක්ක කරගත් බැවින් සියයට 18 ක වැට් බදු අනුපාතයක් සමඟ පවා ඔවුන්ට කටයුතු කළ හැකිය. විදේශයන්හි තම සේවා සපයන තොරතුරු තාක්ෂණ අංශයේ අය ආදායම් බද්දෙන් නිදහස් කර තිබෙනවා. ඒ නිසා ඒ අයට ප්‍රයෝජන ගන්න පුළුවන්.” ඔහු වැඩිදුරටත් පැවසීය.