August 7, 2026
ඉරානය සමඟ පවතින යුද්ධය ඉතා ඉක්මනින් අවසන් වනු ඇතැයි තමන් විශ්වාස කරන බව ඇමෙරිකානු ජනාධිපති ඩොනල්ඩ් ට්රම්ප් මාධ්යවේදීන් හමුවේ ප්රකාශ කර ඇත.
එමෙන්ම, ඇතැම් ආයුධ සහ පතොරොම් තොග සම්බන්ධයෙන් සන්නද්ධ හමුදාවන් යම් හිඟයකට මුහුණ දී සිටින බව ද ඔහු එහිදී පිළිගෙන තිබේ.
ඕවල් කාර්යාලයේ සිට ප්රකාශයක් කරමින් ට්රම්ප් මහතා සඳහන් කළේ, “මම හිතන්නේ මෙය ඉතා ඉක්මනින් අවසන් වේවි. ඔවුන්ට තවදුරටත් මෙය පවත්වාගෙන යෑමට හැකි වේ යැයි මම හිතන්නේ නැහැ” යනුවෙනි.
මාස පහක් පුරා ඉරානය සමඟ පැවැති යුද්ධයේදී ඇමෙරිකානු හමුදාව සතුව තිබූ අධි නිරවද්ය දීර්ඝ-පරාස මිසයිල තොගයෙන් වැඩි ප්රමාණයක් භාවිත කර ඇති බව රොයිටර්ස් පුවත් සේවය මීට පෙර වාර්තා කර තිබිණි.
ඇතැම් ප්රබල ආයුධ වර්ග අසීමිත ලෙස සතුව පැවතියද, තවත් ආයුධ වර්ග කිහිපයක තොග සීමිත මට්ටමක පවතින බව ජනාධිපතිවරයා පිළිගත්තේය.
මෙම තත්ත්වයට පිළියම් ලෙස දේශීය ආරක්ෂක නිෂ්පාදන සමාගම් විසින් පේට්රියට් (Patriot) සහ ටොමහෝක් (Tomahawk) මිසයිල නිෂ්පාදනය කරන මධ්යස්ථාන ඇතුළු අලුත් නිෂ්පාදන කර්මාන්තශාලා ඉදිකරමින් පවතින බව ද ඔහු වැඩිදුරටත් පැවසීය.
