July 1, 2026
මීට පෙර ජනාධිපතිවරයාගේ ප්රයෝජනය සඳහා වෙන් කර තිබූ සුඛෝපභෝගී ගිලන් රථයක් මුලතිව් දිස්ත්රික් මහ රෝහලේ සෞඛ්ය සේවා ශක්තිමත් කිරීම වෙනුවෙන් නිල වශයෙන් භාර දී තිබේ. මෙම පැවරීම ඊයේ (30) සෞඛ්ය හා ජනමාධ්ය අමාත්යාංශයේදී සිදුව ඇත.
සෞඛ්ය අමාත්යාංශයට අනුව, මෙම ගිලන් රථය මීට පෙර ජනාධිපති ආරක්ෂක කොට්ඨාසය වෙත අනුයුක්ත කර තිබූ නමුත්, එය සක්රීය නිල රාජකාරි සඳහා තවදුරටත් භාවිත කර නොමැත.
ඒ අනුව රටේ පවතින සෞඛ්ය සේවා අවශ්යතා සැලකිල්ලට ගනිමින්, මෙම වාහනය සෞඛ්ය අමාත්යාංශය වෙත පැවරීමට ජනාධිපති ලේකම් කාර්යාලය තීරණය කර තිබේ.
මුලතිව් රෝහලේ රෝගී සත්කාරක සහ හදිසි ප්රවාහන සේවාවන් තවදුරටත් පුළුල් කිරීමේ අරමුණින්, මෙම ගිලන් රථය මුලතිව් දිස්ත්රික් මහ රෝහලේ අධ්යක්ෂ වෛද්ය නලින් ප්රේමදාස වෙත නිල වශයෙන් භාරදී ඇත.
මෙම අවස්ථාවට සෞඛ්ය අමාත්යාංශයේ ලේකම් වෛද්ය අනිල් ජාසිංහ, අතිරේක ලේකම් වෛද්ය කුමාර වික්රමසිංහ, නියෝජ්ය අධ්යක්ෂ ජනරාල් (ප්රභාසම්පාදන) එච්.එම්.එන්. දිනිප්රිය හේරත්, අධ්යක්ෂ (ප්රවාහන) මුදිත විමලසේන ඇතුළු නිලධාරීන් පිරිසක් සහභාගී වූහ.
