පාර්ලිමේන්තු ලේකම් කාර්යාලයේ නිලධාරීන් අවශ්‍ය ප්‍රමාණයට වඩා විදේශගත වන බව සභානායක අමාත්‍ය බිමල් රත්නායක ඊයේ (15) පස්වරුවේ පාර්ලිමේන්තුවේදී පැවසීය.

ඇතැම් නිලධාරීන් විදේශ සංචාර කිහිපයක් සිදුකර ඇතත්, රටේ යහපත සඳහා එකදු ඵලදායී යෝජනාවක්වත් ඔවුන් ඉදිරිපත් කර නොමැති බව ඔහු සඳහන් කළේය.

පාර්ලිමේන්තුවේ දක්ෂ නිලධාරීන් සිටියද, බොහෝ දෙනෙක් කිසිවිටෙකත් විදේශ රටකට ගොස් නොමැති බව අමාත්‍ය රත්නායක පැවසීය.

වරප්‍රසාද ගැන පමණක් සැළකිලිමත් වන නිලධාරීන් කුඩා පිරිසක් පාර්ලිමේන්තුවේ රැඳී සිටින බවත් පාර්ලිමේන්තුව ජනතාවගේ වරමට යටත් බවත් ඔහු අවධාරණය කළේය.

පාර්ලිමේන්තු වැටුප් සහ අනෙකුත් කාර්යයන් ප්‍රතිව්‍යුහගත කිරීම පිළිබඳ ගැටළුව සම්බන්ධයෙන්, අභියාචනා අඩංගු වාර්තාව ඉදිරිපත් කරන ලෙස කථානායකවරයා සැප්තැම්බර් 30 වැනිදා පාර්ලිමේන්තු මහලේකම්වරයාට උපදෙස් දී තිබුණද, එය තවමත් ඉදිරිපත් කර නොමැති බව පෙන්වා දුන් අමාත්‍ය රත්නායක, අදාළ නිලධාරියා ඊට අනුකූල වීමට අපොහොසත් වූයේ මන්දැයි තමා නොදන්නා බව ඔහු පැවසීය.