December 22, 2025
වායු තත්ත්ව දර්ශක (AQI) දත්තවලට අනුව, ශ්රී ලංකාව පුරා වායු ගුණාත්මකභාවය තවමත් තරමක් සෞඛ්ය සම්පන්න නොවන මට්ටමක පවතිනේ බව පෙනීගොස් තිබේ.
කදුරුවෙල, හලාවත, වඳුරාගල, දිගන, මාදම්පාගම, හුංගම, අක්කරෙයිපත්තු, කලවාන, මුල්ලියාවලෙයි, පන්නන්කන්ඩි, අඩම්පන් සහ උප්පුවේලි ඇතුළු ප්රදේශ කිහිපයක මෙන්ම යාපනය සහ කොළඹ යන ප්රදේශවල ද තරමක් සෞඛ්ය සම්පන්න නොවන මට්ටමේ වායු ගුණාත්මක මට්ටම් වාර්තා වී ඇත.
ජාතික ගොඩනැගිලි පර්යේෂණ සංවිධානයේ ජ්යෙෂ්ඨ නිලධාරියකු පවසා ඇත්තේ වාතයේ ගුණාත්මකභාවය පහත වැටීමට ප්රධාන වශයෙන් හේතු වී ඇත්තේ දේශීය දූෂණ ප්රභවයන් සහ පවතින වායුගෝලීය තත්වයන් නිසා දූෂක විසුරුවා හැරීම සීමාවීම බවයි.
මෙම තත්ත්වය ලබන වසරේ මාර්තු මාසය පමණ වන තෙක් පවතිනු ඇතැයි අපේක්ෂා කෙරේ.
මෙම තත්ත්වය විශේෂයෙන් ළමුන්ට, වැඩිහිටියන්ට සහ ශ්වසන රෝග ඇති අයට බලපෑ හැකි බවත් අවශ්ය පූර්වාරක්ෂාවන් ගන්නා ලෙස මහජනතාවට උපදෙස් දෙන බවත් අදාළ නිලධාරියා තවදුරටත් පවසා ඇත.
