October 31, 2025
එක්සත් රාජධානිය බලා පිටත්ව ගිය ශ්රී ලාංකික වෛද්යවරුන්ට නැවත ශ්රී ලංකාවට පැමිණීම ගැන සළකා බලන ලෙස සෞඛ්ය අමාත්ය නලින්ද ජයතිස්ස ඉල්ලා තිබේ.
ඔහු මෙම ඉල්ලීම සිදුකර ඇත්තේ රටේ දැනට පවතින විශේෂඥ වෛද්යවරුන්ගේ හිඟය ඉස්මතු කරමිනි.
සමාජ මාධ්ය ඔස්සේ ප්රකාශයක් නිකුත් කරමින් අමාත්ය ජයතිස්ස හෙළි කළේ, මෑතකදී එක්සත් රාජධානියට කළ නිල සංචාරයේදී මෙම ඉල්ලීම කළ බවයි.
ශ්රී ලංකා මහ කොමසාරිස් කාර්යාලය එක්සත් රාජධානියේ වෙසෙන ශ්රී ලාංකික වෛද්යවරුන් සමඟ සංවිධාන කරන ලද රැස්වීමකට සහභාගී වූ බවත්, එහිදී ඔහු මෙම ඉල්ලීම කළ බවත් සෞඛ්ය අමාත්යවරයා පැවසීය.
“මෙම සාකච්ඡාවේදී, විවිධ හේතූන් මත රට හැර ගොස් සිටින අපගේ විශේෂඥ වෛද්යවරුන්ගෙන්, ශ්රී ලංකාවට නැවත පැමිණීම ගැන සළකා බලන ලෙස මම විශේෂ ඉල්ලීමක් කළා. දැනට අපගේ සෞඛ්ය සේවයේ විශේෂඥ වෛද්යවරුන්ගේ හිඟයක් තිබෙනවා,” ඔහු පැවසීය.
ඔවුන් නැවත ශ්රී ලංකාවේ සේවයට පැමිණියහොත්, ඔවුන්ගේ පෙර සේවා ප්රතිලාභ සියල්ල සමඟම එම තනතුරුවලම නැවත සේවයේ පිහිටුවන බවට තමන් ඔවුන්ට සහතික වූ බව අමාත්ය නලින්ද ජයතිස්ස තවදුරටත් පැවසීය.
