ගාල්ල ජාතික රෝහලේ විකිරණ චිකිත්සක යන්ත්‍ර දෙකම අක්‍රිය වීම හේතුවෙන් පිළිකා රෝගීන් සඳහා විකිරණ ප්‍රතිකාර කිරීම නතර කර තිබේ.

රෝහලේ පිළිකා ඒකකය රෝගියාගේ තත්ත්වය අනුව දින 5 සිට දින 35 දක්වා කාල පරිච්ඡේදවල ප්‍රතිකාර ලබාදීම සඳහා රේඛීය ත්වරකයක් සහ කොබෝල්ට් විකිරණ යන්ත්‍රයක් භාවිත කරයි.

ආරංචි මාර්ගවලට අනුව, රේඛීය ත්වරකය සඳුදා (12) සිට අක්‍රිය වී ඇති අතර, කොබෝල්ට් යන්ත්‍රය බදාදා (14) බිඳ වැටීම නිසා දිනකට රෝගීන් 120කට වැඩි පිරිසකට ප්‍රතිකාර කිරීම අඩාළ වී ඇත.

විකිරණ තාක්ෂණවේදීන් අදාළ සේවා සපයන්නාට සහ සෞඛ්‍ය අමාත්‍යාංශයට මේ සම්බන්ධයෙන් දැනුම් දී ඇතත් යන්ත්‍ර තවමත් අලුත්වැඩියා කර නොමැත.

රේඛීය ත්වරකය යථා තත්ත්වයට පත් කිරීමේ ප්‍රමාදයන් සිදුවන්නේ එහි සේවා ගිවිසුම නියමිත වේලාවට අලුත් කිරීමට අපොහොසත් වීම නිසා බව ද වාර්තා වේ.