June 12, 2024
පුද්ගල ජයග්රහණ හෝ පරාජයට වඩා ජාතික ජයග්රහණ කෙරෙහි අවධානය යොමු කරමින් ඉදිරි ජනාධිපතිවරණය රටේ අනාගතය සඳහා තීරණාත්මක වනු ඇති බව ජනාධිපති රනිල් වික්රමසිංහ අවධාරණය කරයි.
බත්තරමුල්ල වෝටර්ස් එජ් හෝටලයේ පැවති ප්රතිපත්ති ප්රතිසංස්කරණ සාකච්ඡාවකට එක්වෙමින් ආර්ථික ප්රතිසංස්කරණ ආංශික අධීක්ෂණ කමිටුවේ තරුණ නියෝජිතයන් අමතා ජනාධිපතිවරයා මෙසේ අදහස් දැක්වීය.
“ඉදිරි මැතිවරණය පෞද්ගලික ජයග්රහණ හෝ පරාජයන් ගැන නොවේ,එය අපේ රටේ සාර්ථකත්වය හෝ අසාර්ථකත්වය තීරණය කරනු ඇති”
දීර්ඝ කාලීන සමෘද්ධිය සහතික කිරීම සඳහා ශක්තිමත් ආර්ථික ප්රතිසංස්කරණ ක්රියාත්මක කිරීමේ වැදගත්කම ජනාධිපතිවරයා මෙම සාකච්ඡාවේදී අවධාරණය කළේය.
ජාතියේ අනාගතය හැඩගැස්වීමේදී තරුණයන් සහ සමාජයේ විවිධ අංශ ඉටු කරන තීරණාත්මක කාර්යභාරය ඔහු මෙහිදී සිහිපත් කළේය.
