February 12, 2024
විපක්ෂ නායක සහ සමගි ජනබලවේගයේ පාර්ලිමේන්තු මන්ත්‍රී සජිත් ප්‍රේමදාසගේ හැසිරීම සම්බන්ධයෙන් එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක ඔහුට දොස් පවරා තිබේ.
ප්‍රසිද්ධ උත්සවයක් අමතමින් පාර්ලිමේන්තු මන්ත්‍රී චම්පික රණවක කියා සිටියේ ප්‍රේමදාස මන්ත්‍රීවරයාට ඒක පුද්ගල සංදර්ශනයක් පැවැත්වීමට ඉඩ නොතබන බවයි.
පසුගියදා පාර්ලිමේන්තුවේදී ආණ්ඩුවේ ප්‍රතිපත්ති ප්‍රකාශය පිළිබඳ ජනාධිපතිවරයාගේ කතාව අතරතුර විපක්ෂය සමඟ පිටව නොයෑම හේතුවෙන් තමන් ඇතුළු මන්ත්‍රීවරුන් කිහිප දෙනෙකුට දඩුවම් නියම වී ඇති බව ද මන්ත්‍රීවරයා සඳහන් කළේය.
පාර්ලිමේන්තු මන්ත්‍රී සජිත් ප්‍රේමදාසගේ නියෝගය මත ඔවුන්ට පාර්ලිමේන්තුවේ කතාකිරීම සඳහා ලබාදී තිබූ කාලය උපරිම මිනිත්තු පහකට සීමා කළ බව ද පාර්ලිමේන්තු මන්ත්‍රී චම්පික රණවක පැවසීය.
විපක්ෂ නායකවරයාගේ ක්‍රියාකලාපය හෙළා දකින පාර්ලිමේන්තු මන්ත්‍රී චම්පික රණවක, ඔහුට ඒක පුද්ගල සංදර්ශනයක් පැවැත්වීමට ඉඩ නොතබන බවට අනතුරු ඇඟවීය.
