මෙම වසරේ සාහිත්‍ය සඳහා නොබෙල් ත්‍යාගය හංගේරියාවේ ලැස්ලෝ ක්‍රස්නාහෝර්කායි ලබා ගන්නා බව නොබෙල් ත්‍යාග ස්වීඩන් ඇකඩමිය නිවේදනය කළේය.

කලාවේ බලය නැවත තහවුරු කරන අපෝකැලිප්ටික් භීෂණය මධ්‍යයේ ක්‍රස්නාහෝර්කායිගේ බලගතු සහ දූරදර්ශී කාර්යය වෙනුවෙන් මෙම ජයග්‍රහණය හිමිකර ගන්නා බව ඇකඩමියේ ස්ථිර ලේකම් මැට්ස් මැල්ම් පැවසීය.

71 හැවිරිදි ලැස්ලෝ ක්‍රස්නාහෝර්කායි හංගේරියාවේ කුඩා නගරවල පශ්චාත් නූතන සහ ඇතැම් ඩිස්ටෝපියන් නිරූපණයන් සඳහා ප්‍රසිද්ධය.

Satantango සහ The Melancholy of Resistance ඇතුළු ඔහුගේ නවකතා කිහිපයක් සම්මානලාභී චිත්‍රපටවලට අනුවර්තනය කර ඇත.

මෙම සම්මානය ලේඛකයකුට සිය වෘත්තීය ජීවිතය තුළ ලැබිය හැකි වඩාත්ම කීර්තිමත් ගෞරවය ලෙස සැළකේ.

පසුගිය දශකය තුළ ක්‍රස්නාහෝර්කායි ප්‍රකාශ කර තිබුණේ මෙය තමන් දිනා ගැනීමට කැමතිම ජයග්‍රහණයක් බවයි.

1954 දී ග්යුලා හි උපත ලැබූ ඔහු බුඩාපෙස්ට් විශ්වවිද්‍යාලයේ සාහිත්‍යය හැදෑරීය.

ඔහුගේ මංගල නවකතාව වන Satantango 1985 දී ප්‍රකාශයට පත් කිරීමෙන් පසු, ඔහු හංගේරියාවේ වඩාත්ම ප්‍රසිද්ධ ලේඛකයකු බවට පත්විය.

කොමියුනිස්ට්වාදයේ බිඳවැටීමෙන් පසු, ඔහු චීනයේ වැඩිවශයෙන් සංචාරය කළ අතර, එමඟින් ඔහුගේ ප්‍රශංසනීය සංචාරක මතක සටහන් වන Destruction and Sorrow Beneath the Heavens ලිවීමට හැකි විය.

ඔහුගේ කීර්තිය සහ ඔහු විසින් දිනු ජාතික හා අන්තර්ජාතික ත්‍යාග රාශියක් තිබියදීත්, මෑත වසරවලදී ක්‍රස්නාහෝර්කායි හංගේරියානු ගම්බද ප්‍රදේශයේ ඔහුගේ නිවසේ වැඩි ප්‍රසිද්ධියකින් තොරව ජීවත් වෙමින් සිටියේය.

2002 දී Imre Kertész ට පසුව නොබෙල් ත්‍යාගය දිනාගත් හංගේරියානු භාෂාවෙන් ලියන දෙවැනි කතුවරයා ඔහු වේ.