ලොව විශාලතම තොරතුරු තාක්ෂණ සමාගම් කිහිපයක නිවහන වන දකුණු ඉන්දියාවේ කර්ණාටක ප්‍රාන්තය, විධිමත් රැකියා වල නියුතු සියලුම වැඩකරන කාන්තාවන්ට වැටුප් සහිත ඔසප් නිවාඩු ලබාදෙන රටේ පළමුවැනි ප්‍රාන්තය බවට පත්ව ඇත.

නව ප්‍රතිපත්තිය යටතේ, රජයේ සහ පෞද්ගලික සමාගම්වල සේවය කරන වයස අවුරුදු 18 ත් 52 ත් අතර කාන්තාවන්ට සෑම මසකම එක් දිනක් ඔසප් නිවාඩු ලබාගත හැකිය. එම නිවාඩුව ලබාගැනීම සඳහා වෛද්‍ය සහතිකයක් අවශ්‍ය නොවේ.

මෙම ප්‍රතිපත්තිය විධිමත් අංශයේ කාන්තාවන් 350,000 ත් 400,000 ත් අතර සංඛ්‍යාවක් ආවරණය කරයි.

එහෙත් ඊට ගෘහ සේවිකාවන්, දෛනික වැටුප් ලබන සේවිකාවන් සහ අසංවිධානාත්මක අංශයේ සේවිකාවන් ලෙස සේවය කරන විශාල කණ්ඩායමක්, එනම් මිලියන හයක් ලෙස ඇස්තමේන්තු කර ඇති කොටසක් ඇතුළත් නොවේ.

විශේෂඥයන් පවසන්නේ මෙම යහපත් ප්‍රතිපත්තිය අවිධිමත් අංශයට ද ව්‍යාප්ත විය යුතු බවයි.

එහෙත් රැකියා වර්ගය හෝ කොන්ත්‍රාත්තුව නොසලකා සේවකයන්ට අදාළ වන පරිදි පෞද්ගලික අංශය ඇතුළත් කළ පළමු අවස්ථාව මෙය වීම නිසා, රාජ්‍යයේ ඔසප් නිවාඩු ප්‍රතිපත්තිය තවමත් වැදගත් යැයි සැලකේ.