පහළ උමා ඔය ජලාශය ඇතුළු අර්ධ වශයෙන් ඉදිකරන ලද වාරිමාර්ග ව්‍යාපෘති නැවත ආරම්භ කිරීම සඳහා ප්‍රමුඛත්වය දී ඇති බව ඉඩම් හා වාරිමාර්ග නියෝජ්‍ය අමාත්‍ය සුසිල් රණසිංහ පැවසීය.

කිවුල් ඔය ජලාශය, මුන්දෙනි ආරු ජලාශය, උමා ඔය ඇතුළු ජලාශ කිහිපයක් ආර්ථික අර්බුදය හේතුවෙන් නතර වූ බව ඔහු පාර්ලිමේන්තුවට පැවසීය.

“අපගේ ප්‍රමුඛතාව වන්නේ නවතා දැමූ ව්‍යාපෘති අවසන් කිරීමයි. පහළ උමා ඔය එකක්; මෙයින් සියයට 85ක් පමණ අවසන් කර තිබෙනවා,” යැයි ඔහු W H M ධර්මසේන මන්ත්‍රීවරයාගේ ප්‍රශ්නයකට පිළිතුරු දෙමින් පැවසීය.

“ඉක්මනින් අවසන් කළ හැකි නව ව්‍යාපෘති සම්පූර්ණ කිරීම කෙරෙහි අපි අවධානය යොමු කරනවා.” යැයි ද ඔහු සඳහන් කළේය.

සැලසුම් කර ඇති නව ජලාශයක් වන කුඹුක්කන් ඔය ජලාශය ආරම්භ කළ හැකිද යන්න ධර්මසේනමන්ත්‍රීවරයා ප්‍රශ්නකළ අතර “අපි දැන්ම එය පටන් ගන්නේ නැහැ.” යනුවෙන් ඊට පිළිතුරු දෙමින් නියෝජ්‍ය අමාත්‍ය රණසිංහ පැවසීය.

2025 අයවැයෙන් මොනරාගල දිස්ත්‍රික්කයේ වාරිමාර්ග සඳහා රුපියල් බිලියන 3.4ක් වෙන් කර ඇති බව ඔහු පැවසීය.

ඉන් මිලියන 2,150ක් පහළ උමා ඔය ව්‍යාපෘතිය සඳහා විය.

“අපි එය මේ වසරේ සම්පූර්ණ කිරීමට කැමතියි. බුත්තල රජ ඇළ මෙම වසරේ නිම කිරීම සඳහා මිලියන 600ක් වෙන් කර තිබෙනවා. කුඩා වැව් කිහිපයකට ද අරමුදල් වෙන් කරලයි තියෙන්නේ. 2026 මහ කන්නයේ වී වගා කරන ප්‍රදේශය අක්කර 26,000 දක්වා වැඩි කිරීමට අපි සැලසුම් කරනවා.” යනුවෙන් ඔහු වැඩිදුරටත් පැවසීය.