කටාර් රාජ්‍යයේ බලශක්ති මධ්‍යස්ථානවලට එල්ල වූ ප්‍රහාරවලින් පසු ද්‍රව ස්වාභාවික ගෑස් (LNG) නිෂ්පාදනය නතර කර ඇති බව අන්තර්ජාතික මාධ්‍ය වාර්තා පවසයි.

ගෝලීය LNG අපනයනයෙන් සියයට 20ක් පමණ සපයන කටාර් රාජ්‍යය, කලාපීය ආතතීන් උත්සන්න වීම මධ්‍යයේ ප්‍රධාන කාර්මික ස්ථානවල නිෂ්පාදන කටයුතු අත්හිටුවා ඇත.

මෙය ගෝලීය බලශක්ති වෙළඳපොළවල කණස්සල්ලට හේතු වී ඇති අතර සැපයුම් හිඟය පිළිබඳ පවතින බිය හේතුවෙන් ගෑස් මිල ගණන් ද ඊට අනුව වෙනස්වෙමින් තිබේ.

අදාළ නිවේදනයෙන් ටික වේලාවකට පසු, ලන්දේසි සහ බ්‍රිතාන්‍ය තොග ගෑස් මිල ගණන් සියයට 50කින් පමණ ඉහළ ගිය අතර, ආසියානු LNG මිල ගණන් සියයට 39කින් පමණ ඉහළ ගියේය.

කටාර් බලධාරීන් තවමත් මෙහෙයුම් නැවත ආරම්භ කිරීම සඳහා කාලරාමුවක් ප්‍රකාශයට පත් කර නොමැත.