February 18, 2026
චීනයේ හුබෙයි පළාතේ රතිඤ්ඤා වෙළඳසැලක පිපිරීමක් සිදුව තිබේ.
විදෙස් ජනමාධ්ය වාර්තා කළේ පිපිරීමත් සමග එහි ගින්නක් ඇති වූ අතර එහි වර්ග මීටර් 50 ක් පමණ ගිනිගෙන විනාශ වූ බවයි.
පිපිරීමට හේතුව විමර්ශනය කරමින් පවතින බව චීන රාජ්ය මාධ්ය වාර්තා පවසයි.
රොයිටර් විසින් සත්යාපනය කරන ලද වීඩියෝ දර්ශනවලින් පෙන්නුම් කළේ ගිනිගත් සාප්පුව ඉදිරිපසින් කළු දුමාරයක් පිටවන ආකාරයයි.
ඉකුත් අඟහරුවාදා ආරම්භ වූ චන්ද්ර අලුත් අවුරුදු නිවාඩුව වැනි සැමරුම් අවස්ථාවන්හිදී චීනය තුළ රතිඤ්ඤා බහුලව භාවිතා වන අතර බොහෝ විට අවිධිමත් ලෙස ඒවා භාවිතය හමුවේ පිපිරීම් සුලභ නොවේ.
ඉකුත් වසරේ ජුනි මාසයේදී හුනාන් හි ගිනිකෙළි කම්හලක සිදුවූ පිපිරීමකින් පුද්ගලයින් නව දෙනෙකු මිය ගොස් තවත් 26 දෙනෙකු තුවාල ලැබීය.
ආරක්ෂාව සහ වායු දූෂණය පිළිබඳ කනස්සල්ල නිසා චීනයේ ඇතැම් නගරවල ගිනිකෙළි භාවිතය තහනම් කර ඇත.
නමුත් මෙම පියවර මතභේදාත්මක වන්නේ සාම්ප්රදායිකව නපුරු ආත්මයන් බිය ගැන්වීම සඳහා භාවිතා කරන රතිඤ්ඤා චන්ද්ර අලුත් අවුරුදු සැමරුම්වල කේන්ද්රීයව පවතින බැවිනි.
