ගංව­තුර තත්ත්වය හමුවේ මගීන් 68 දෙන­කුගේ ජීවිත අව­දා­නම‍ට ලක්ක­ර­මින් මගී බස් රථ­යක් ජල පහර හරහා අනු­රා­ධ­පුර–පුත්ත­ලම මාර්ගයේ ධාව­නය කළ බස් රථ රියැ­දුරා මිනීමැරී­මට තැත්කිරීමේ චෝද­නාව මත රාජාං­ග­ණය පොලී­සිය මඟින් අත්අ­ඩං­ගු­වට ගෙන ඇත.

එන්.ඩී.ඩී. කුමා­ර­සිංහ නමැති 41 හැවි­රිදි මෙම රියැ­දුරා සාලි­ය­වැව, ඉහළ පුලි­ය­න්කු­ලමේ පදිං­චි­ක­රු­වෙකි.

සැක­කරු WP ND – 4122 පෞද්ග­ලික මගී බස් රථය අනු­රා­ධ­පුර–පුත්ත­ලම මාර්ගයේ පසු­ගිය 27 වැනිදා ධාව­නය කර­මින් තිබී ඇත.

කලා­ඔය විහා­ර­ස්ථා­නය අසල දී ගම්වැ­සි­යන්ගේ උප­දෙස් නොතකා ජල පහර ඔස්සේ ධාව­නය කර ඇති බව පොලී­සිය කියයි.

එම අව­ස්ථාවේ බස් රථයේ මගීන් 68 දෙනෙක් ගමන් කර­මින් සිට ඇති බව පොලී­සිය සඳහන් කරයි.

ජල­ ප­හර මතින් බස් රථය ධාව­නය කිරී‍ෙ­මන් මගීන්ගේ ජීවිත අව­දා­න­මට ලක්වන බව දැන දැනම බස් රථයේ රියැ­දුරු බස් රථය ධාව­නය කර ඇති බව ද පොලී­සිය පැවැ­සීය.

මෙම බස් රථය ජල පහ­රට හසුවී ගසා­ගෙන ගිය බවත් එහි සිටි මගීන් බේරාගැනී­මට දැඩි වෙහෙ­සක් ගැනී­මට සිදුවූ බවත් පොලී­සිය සඳහන් කරයි.

මෙහිදී එක් මගි­යෙක් මිය­ගොස් තිබිණි.

බේරු­වල හේනේ­වත්තේ පදිං­චි­ක­රු­වෙක් වූ 66 හැවි­රිදි ඒ.එස්. මෙහො­මඩ් නවාස් නමැති අය මිය­ගොස් ඇති බව ද පොලී­සිය කියයි.

සැක­කරු අධි­ක­ර­ණ­යට ඉදි­රි­පත් කිරී­මට නිය­මි­තව තිබිණි. (දිනමිණ)