ශ්‍රී ලංකාවට පැමිණීමට නියමිත ආන්දෝලනාත්මක චීන භූ භෞතික හා භූ කම්පන සමීක්ෂණ යාත්‍රාවක් වන “Shi Yan 6” විසින් එක්රැස් කරන සියලුම දත්ත නාරා ආයතනය සතුව පවතින අතර එම දත්ත නාරා සතු දේපළක් ලෙස සලකන බව ජාතික ජලජ සම්පත් පර්යේෂණ හා සංවර්ධන නියෝජිතායතනය (NARA) ප්‍රකාශ කරයි.

ආරක්‍ෂක අමාත්‍යාංශයේ අභ්‍යන්තර ආරංචි මාර්ගවලට අනුව, නාරා ආයතනය සමඟ ශ්‍රී ලංකා මුහුද පිළිබඳ පර්යේෂණ සිදු කිරීම සඳහා “Shi Yan 6” නෞකාවට අමාත්‍යාංශය අනුමැතිය ලබා දී ඇත.

නාරා ආයතනයේ සහ විදේශ කටයුතු අමාත්‍යාංශයේ ඉල්ලීමකට අනුව මෙම අනුමැතිය ලබාදී ඇති බව එම ආරංචි මාර්ග සඳහන් කරයි.

නාරා ආයතනයේ සභාපති මහාචාර්ය ජයන්ත විජයරත්න පවසන්නේ, පසුගිය දශක කිහිපය තුළ චීන යාත්‍රා ගණනාවක් මෙවැනි පර්යේෂණ කටයුතු සිදු කර ඇති බැවින් බොහෝ පාර්ශ්ව පවසන පරිදි මෙය අලුත් තත්ත්වයක් නොවන බවයි.

“මගේ දැනුමට අනුව 2010 වසරේ සිට පර්යේෂණ කටයුතු සඳහා චීන යාත්‍රා ගණනාවක් මෙහි පැමිණ තිබෙනවා. ඔවුන් 2015 වසරෙන් පසුවත් කිහිප වතාවක්ම මෙහි පැමිණියා. ඔවුන් ශ්‍රී ලංකා මුහුදේ දත්ත රැස් කරන්නේ නම් ඒවා අපට අයත් විය යුතු බව නාරා ආයතනය ඔවුන්ට දැනුම් දුන්නා. ඒකට සම්බන්ධ වෙන්න අවස්ථාව දුන්නා. ඔවුන් අපට අවසර දුන්නා. ඒ නිසා ඒක ලොකු ප්‍රශ්නයක් නෙවෙයි. ඔවුන් විසින් එකතු කරන ලද සියලුම දත්ත ශ්‍රී ලංකා රජයට අයිතියි,” ඔහු පවසයි.

(Daily Morning)