නිපුණතා සහිත සංක්‍රමණය විධිමත් කිරීමේ ප්‍රධාන පියවරක් ලෙස, නවසීලන්තය ශ්‍රී ලංකාව ඇතුළු තවත් රටවල් නවයක ආගමනවලදී සළකාබැලෙන සුදුසුකම් ජූනි 23 වැනි දින සිට ක්‍රියාත්මක වන පරිදි විධිමත් ඇගයීම් ක්‍රියාවලියෙන් නිදහස් කිරීමට නියමිතව තිබේ.

නවසීලන්තයේ ආගමන විගමන බලධාරීන් විසින් නිකුත් කරන ලද යාවත්කාලීන කළ උපදෙස් මාලාවේ දැක්වෙන්නේ, තක්සේරුවෙන් නිදහස්ව සුදුසුකම් ලැයිස්තුව පුළුල් කරන බවයි.

ඒ අනුව ඇගයීම්වලින් නිදහස් වූ සුදුසුකම් ලැයිස්තුවෙ හි ඇතුළත් සුදුසුකම් ඇති අයැදුම්කරුවන් සහ අධ්‍යාපන සපයන්නන් නිපුණතා සංක්‍රමණික කාණ්ඩය යටතේ අයැදුම් කිරීමේදී හෝ විශේෂ රැකියා වීසා තෝරාගැනීමේදී අන්තර්ජාතික සුදුසුකම් තක්සේරුවක් ලබාගැනීම තවදුරටත් අවශ්‍ය නොවේ.

එම යාවත්කාලීන කිරීම් ඔස්සේ ලැයිස්තුවට අලුතින් එකතු වූ රටවල් නවය වන්නේ ප්‍රංශය, ජර්මනිය, ඉන්දියාව, ඉතාලිය, සිංගප්පූරුව, දකුණු කොරියාව, ශ්‍රී ලංකාව, ස්වීඩනය සහ ස්විට්සර්ලන්තය යි.

මෙම නිදහස් කිරීම නවසීලන්තයට සංක්‍රමණය වීමට අපේක්ෂා කරන දක්ෂ වෘත්තිකයන්ගේ කාලය ඉතිරිකර ගැනීම සහ පිරිවැය අඩු කිරීම සිදුකෙරෙයි.

එය නිපුණතා සංක්‍රමණික කාණ්ඩය යටතේ සුදුසුකම් සඳහා ලබාදෙන ලකුණු ද සඳහන් කරනු ඇත.

ඕස්ට්‍රේලියාව, ජපානය, මැලේසියාව, දකුණු අප්‍රිකාව, එක්සත් රාජධානිය සහ එක්සත් ජනපදය යන රටවලින් පැමිණෙන්නන්ට ද දැනට පවතින සුදුසුකම් සඳහා සුළු යාවත්කාලීන කිරීම් සිදුකරන බව නවසීලන්තයේ ආගමන නිලධාරීන් පවසයි.