October 10, 2023
ශ්‍රීලන්කන් ගුවන් සේවය ප්‍රතිව්‍යුහගතකරණය කිරීමේ ක්‍රියාවලියට මගපෙන්වීම සඳහා අන්තර්ජාතික උපදේශකයකු පත්කර ඇති බව වරාය, නාවික හා ගුවන් සේවා ඇමැති නිමල් සිරිපාල ද සිල්වා පවසයි.
ප්‍රතිව්‍යුහගතකරණය කිරීමේ ප්‍රයත්නයන් සඳහා මඟපෙන්වීම සඳහා විශේෂඥ දැනුම සහ හොඳම භාවිතයන් ගෙනඒමට උපදේශකවරයා අපේක්ෂා කරන බවද ඇමැතිවරයා සඳහන් කරයි.
ශ්‍රී ලංකාවේ ගුවන් සේවා අංශය 2023 ජනවාරි සිට අගෝස්තු දක්වා කාලය තුළ රුපියල් බිලියන 22ක ලාභයක් ලබා ඇති බවත්, දළ වශයෙන් මෙම ලාභයෙන් රුපියල් බිලියන 10ක් දැනටමත් භාණ්ඩාගාරයට යොමුකර ඇති බවත් ඇමැතිවරයා පෙන්වාදෙයි.
ජාතික ගුවන් සේවය වන ශ්‍ලන්කන්, එහි මෙහෙයුම් සහ මූල්‍ය කාර්ය සාධනය වැඩිදියුණු කිරීම කෙරෙහි අවධානය යොමුකරමින් ප්‍රතිව්‍යුහගතකරණය කිරීමට උත්සාහ ගනිමින් සිටින බවද ඔහු සඳහන් කරයි.
ශ්‍රීලන්කන් ගුවන් සේවය සඳහා පුළුල් ප්‍රතිව්‍යුහගතකරණ සැලැස්මක් සකස් කිරීම සඳහා ඇමැති මණ්ඩලය විසින් පසුගියදා අනුමැතිය ලබාදෙන ලදී.
මෙම යෝජනාව මහා භාණ්ඩාගාරයට ඉදිරිපත් කිරීමෙන් පසු ලෝක බැංකුව සමඟ එක්ව සාධනීය සාකච්ඡා පවත්වා තිබේ.
