යාපනය ස්ටැන්ලි පාරේ පිහිටි ඊළාම් ජනතා ප්‍රජාතාන්ත්‍රවාදී පක්ෂයේ කාර්යාලයේ සහ හිටපු අමාත්‍ය ඩග්ලස් දේවානන්දාගේ පක්ෂ කාර්යාලය තුළ අපරාධ පරීක්ෂණ දෙපාර්තමේන්තුවේ නිලධාරීන් විසින් පැය කිහිපයක් පුරා සෝදිසි මෙහෙයුමක් සිදු කර තිබේ.

අපරාධ පරීක්ෂණ දෙපාර්තමේන්තුවට ලැබුණු තොරතුරකට අනුව, යාපනය අධිකරණය විසින් නිකුත් කරන ලද සෝදිසි වරෙන්තුවක් මත මෙම සෝදිසි මෙහෙයුම ක්‍රියාත්මක කර ඇත.

මෙම සෝදිසි කිරීමෙන් අනතුරුව EPDP පක්ෂයේ මහ ලේකම් ඩග්ලස් දේවානන්දාගේ ඉදිරියේදී, පක්ෂ කාර්යාලයේ පරිපාලන නිලධාරියාගෙන් අපරාධ පරීක්ෂණ දෙපාර්තමේන්තු නිලධාරීන් විසින් ප්‍රකාශයක් සටහන් කර ගෙන තිබේ.

කෙසේ වෙතත්, මෙම සෝදිසි කිරීම සඳහා හේතු වූ පසුබිම් තොරතුරු කිසිවක් අනාවරණය කර නොමැත.
(The Daily Morning )