අභ්‍යන්තර තරඟකාරී ලංසුවක් දිනාගත් ස්විට්සර්ලන්තයේ ජියෝගෑස් ට්‍රේඩින් වෙතින් ජනවාරි 05 වැනිදා පළමු ද්‍රව පෙට්‍රෝලියම් ගෑස් තොගය ලබා ගැනීමට ශ්‍රී ලංකාව සූදානම් බව විදේශ අමාත්‍ය විජිත හේරත් පැවසීය.

“LPG හිඟයක් ඇති වෙන්න නැහැ. ගිවිසුම් අත්සන් කරලයි තිබුණේ,” අමාත්‍ය හේරත් පාර්ලිමේන්තුව හමුවේ පැවසීය.

2026 දී ලිට්‍රෝ ගෑස් වෙත සියයට 20ක් අඩු හෝ වැඩි විය හැකි පරිදි LPG මෙට්‍රික් ටොන් 380,000ක් සැපයීමේ කොන්ත්‍රාත්තුවක් ස්විට්සර්ලන්තයේ ජියෝගෑස් දිනා ගෙන තිබේ.

ඊළඟ ලංසුකරුට වඩා ශත 15ක් අඩුවෙන් ලංසු තැබීමෙන් ජියෝගෑස් විසින් අන්තර්ජාතික තරඟකාරී ටෙන්ඩරය දිනා ගත් බව ඔහු පැවසීය.

ශ්‍රී ලංකා පොදුජන පෙරමුණේ සාමාජික චාමර සම්පත් දිසානායක පවසා තිබුණේ ලිට්‍රෝ සමාගම සඳහා ගෑස් සැපයීමේ කොන්ත්‍රාත්තුව මීට පෙර ගෑස් සැපයූ ඕමානයේ පිහිටි OQ ගෑස් සමාගමට අහිමි වී ඇති අතර ලබන වසරේ සිට ගෑස් හිඟයක් ඇති වන බවයි.

“ගිවිසුම් අත්සන් කරලා තියෙන්නේ. ඔවුන් අපෙ ප්‍රමිතීන්ට අනුකූල වෙන්න එකඟ වෙලා තිබෙනවා. කිසිදු ගැටළුවක් නැහැ. නව සමාගමෙන් පළමු නෞකාව ජනවාරි 05 වැනිදා එනවා,” අමාත්‍ය හේරත් පැවසීය.

ජියෝගෑස් ට්‍රේඩින් සමාගම සැපයුම් ලබා ගන්නේ අමෙරිකා එක්සත් ජනපදයෙනි.