ඉරානයෙන් සහ පාකිස්තානයෙන් ඇෆ්ගනිස්ථානුවන් මිලියන 2.17 ක් බලහත්කාරයෙන් ආපසු හරවා යවා ඇති බව එක්සත් ජාතීන්ගේ සංවිධානය පවසයි.

එම සංවිධානය පවසන්නේ එලෙස පැමිණෙන පුද්ගලයින්ගෙන් සියයට 60 කට වඩා ළමයින් සිටින බව‍යි.

එක්සත් ජාතීන්ගේ සංවර්ධන වැඩසටහනට (UNDP) අනුව, ඇෆ්ගනිස්ථානය ලෝකයේ විශාලතම අවතැන්වීම් සහ සරණාගතයින් නැවත පැමිණෙන රටක් බවට පත්ව තිබේ.

නරක අතට හැරෙන මානුෂීය තත්වයන් මධ්‍යයේ අසල්වැසි රටවලින් මිලියන ගණනක් ඇෆ්ගන් ජාතිකයින් ආපසු පැමිණෙමින් සිටියි.

2025 ඔක්තෝබර් 9 වන දින වන විට ඉරානයෙන් සහ පාකිස්තානයෙන් ආසන්න වශයෙන් මිලියන 2.17 ක් පමණ ඇෆ්ගන් ජාතිකයන් ආපසු පැමිණ ඇති බව UNDP දත්ත පෙන්වා දෙයි.

භයානක ලෙස, ආපසු පැමිණෙන අයගෙන් සියයට 60 කට වඩා වැඩි ප්‍රමාණයක් ළමුන් වන අතර, ළමා ආරක්ෂණ පද්ධති, අධ්‍යාපනය සහ සෞඛ්‍ය සේවා මත දැවැන්ත පීඩනයක් එල්ල කරයි.

ඇෆ්ගනිස්ථානයේ ප්‍රධාන වශයෙන් තරුණ හා ග්‍රාමීය ජනගහනය දැන් දැඩි මානුසීය අර්බුදවලට මුහුණ දී සිටින බව UNDP අවධාරණය කළේය.

ආර්ථික සීමාවන්, පුළුල් දරිද්‍රතාවය, ස්ත්‍රී පුරුෂ සමාජභාවයේ අසමානතාවය සහ වාර්තාගත අවතැන්වීම් මට්ටම් සාමූහිකව රටේ අවදානම සහ දිගුකාලීන අස්ථාවරත්වයේ අවදානම වැඩි කර ඇත.

වසර ගණනාවක ගැටුම් සහ ආර්ථික බිඳවැටීම හේතුවෙන් දැනටමත් දුර්වල වී ඇති නිවාස, ජලය, සනීපාරක්ෂාව, සෞඛ්‍ය සේවා සහ ආහාර සුරක්ෂිතතාව ඇතුළු ඇෆ්ගනිස්ථානයේ බිඳෙනසුලු යටිතල පහසුකම් සහ අත්‍යවශ්‍ය සේවාවන් කෙරෙහි පෙර නොවූ විරූ පීඩනයක් ඇති කර ඇති බවට එක්සත් ජාතීන්ගේ ආයතනය අනතුරු ඇඟවීය.