ඩයගම ප්‍රදේශයේදී පොලිස් ජීප් රථයකට ගල් ප්‍රහාරයක් එල්ල කිරීම සම්බන්ධයෙන් තරුණයන් තිදෙනකු අත්අඩංගුවට ගෙන තිබේ.

2023 මැයි මස 25 වන දින ඩයගම, නැඟෙනහිරවත්ත 3 වැනි කොට්ඨාශ ප්‍රදේශයේ ඩයගම පොලිස් ස්ථානයේ නිලධාරීන් කණ්ඩායමක් වැටලීමක් සිදුකර ඇති බව පොලිසිය ප්‍රකාශ කරයි.

ඔවුන් විසින් නීතිවිරෝධී මත්පැන් පෙරන ලද බවට චෝදනා මත සැකකරුවන් පස්දෙනකු අත්අඩංගුවට ගෙන ඇති අතර, නීති විරෝධී මත්පැන් ලීටර් 34ක් ද අත්අඩංගුවට ගෙන ඇත.

කෙසේ වෙතත්, සැකකරුවන් මුදා හැරීමේ අරමුණින් සැකකරුවන් ප්‍රවාහනය කරමින් තිබූ ජීප් රථයට කිසියම් පිරිසක් ගල් මුල් ප්‍රහාරයක් එල්ල කර ඇති බවයි පොලිසිය සඳහන් කරයි.

සිද්ධිය සම්බන්ධයෙන් ඩයගම පොලිසියේ නිලධාරීන් විසින් විමර්ශනයක් ආරම්භ කර තිබූ අතර, බ්‍රහස්පතින්දා (08) රාත්‍රියේ සැකකරුවන් තිදෙනෙකු අත්අඩංගුවට ගෙන ඇත.