පිවිතුරු හෙළ උරුමයේ මධ්‍යම කාරක සභාවේ සාමාජිකයන් කිහිපදෙනෙක් බදාදා (3) උදෑසන විපක්ෂ නායක සජිත් ප්‍රේමදාස හමුවී, අන්තර්ජාතික සිවිල් හා දේශපාලන අයිතිවාසිකම් පනත(ICCPR පනත) යටතේ හිටපු අමාත්‍ය උදය ගම්මන්පිල අත්අඩංගුවට ගැනීමට සූදානම් වන බවට චෝදනා කළහ.

විපක්ෂ නායක කාර්යාලයේදී රැස්වීම පැවති අතර, එහිදී පිවිතුරු හෙළ උරුමයේ නියෝජිතයෝ, රජය විසින් විරුද්ධ මත මර්දනය කිරීමට කටයුතු කරන බවට චෝදනා කළහ.

උදය ගම්මන්පිල වර්තමානයේ රැඳීසිටින ස්ථානය පිළිබඳව මාධ්‍ය විසින් විමසූ විට, ඔවුන් සඳහන් කළේ, ඔහු සැඟවී නොසිටින බවත්, උසස් අධ්‍යාපනය හදාරමින් විදේශගතව සිටින බවත්ය.

මේ අතර, අපරාධ පරීක්ෂණ දෙපාර්තමේන්තුව (CID) අගෝස්තු 22 වන දින කොළඹ මහේස්ත්‍රාත් අධිකරණයට දැනුම්දුන්නේ ජනමාධ්‍ය හමුවකදී ගම්මන්පිල විසින් කරන ලද ප්‍රකාශයක් සම්බන්ධයෙන් පරීක්ෂණයක් ආරම්භ කර ඇති බවයි.

පැමිණිල්ලක් මත පරීක්ෂණය ආරම්භ කර ඇති අතර සිවිල් සහ දේශපාලන අයිතිවාසිකම් පිළිබඳ ජාත්‍යන්තර සම්මුතිය (ICCPR) පනත යටතේ එය සිදුකෙරෙමින් පවතී.