හෙට කොළඹ නගරාධිපතිවරයා ලෙස කවුරුන් තේරී පත්වේදැයි අනාවැකි කිව නොහැකි බව සමගි ජන බලවේගයේ පාර්ලිමේන්තු මන්ත්‍රී එස්.එම්. මරිකාර් අද පැවැසීය.

“සමගි බලවේගයේ සාමාජිකයන් 29 දෙනා ගැටළුවක් නැහැ. නමුත් ගැටලුව ඇත්තේ ස්වාධීන කණ්ඩායම් ඇතුළු අනෙක් අය සමඟ. ඔවුන් අවසාන මොහොතේ තම ස්ථාවරය වෙනස් කරන්න පුළුවන්” මරික්කාර් ජනමාධ්‍ය හමුවකදී සඳහන් කළේය.

“සමහර සර්වජන බලය සාමාජිකයන් සමහර පළාත් පාලන ආයතනවල ජාතික ජන බලවේගයට සහාය දැක්වීමට ඒකපාර්ශ්වික තීරණයක් ගෙන තිබෙනවා” ඔහු සිහිපත් කළේය.

එසේම, අනෙකුත් පක්ෂ සමඟ ගිවිසුම්ගත වූ සජබ සාමාජිකයන්ගේ සාර්ථකත්වය හෙට පැවැත්වෙන ඡන්ද විමසීමේ ප්‍රතිඵලවලින් දැකගත හැකි බවද ඔහු පැවැසීය.

පළාත් පාලන නීතිය උපුටා දක්වමින් මන්ත්‍රීවරයා පැවසුවේ, නගරාධිපතිවරයකු තෝරා පත්කර ගැනීම සඳහා වන ඡන්දය රහස් ඡන්දයක් හෝ විවෘත ඡන්දයක් විය යුතුද යන්න කවුන්සිලයේ සාමාජිකයින් තීරණය කළ යුතු බවයි.

රහස් ඡන්දයක් හෝ විවෘත ඡන්දයක් තිබේද යන්න තීරණය කිරීමේ ඡන්දය ‘නමින් පැවැත්වෙන ඡන්දයක්’ විය යුතු බවද ඔහු සඳහන් කළේය.