වැලිකඩ සහ කුරුවිට බන්ධනාගාර තුළ සිටින රැඳවියන් පිරිසක් එහි ඇති කොන්ක්‍රීට් තාප්ප සහ සිවිලිම් තහඩු කඩාදැමීමට උත්සාහ කරන ආකාරය දැක්වෙන වීඩියෝ දර්ශන කිහිපයක් පසුගිය සතියේ සමාජ මාධ්‍ය පුරා දැඩි ලෙස සංසරණය විය.

බන්ධනාගාර පරිශ්‍රය වටා සන්නද්ධ හමුදා භටයන් සහ පොලිස් විශේෂ කාර්ය බලකා (STF) නිලධාරීන් සිය ගණනක් මුර සංචාරයේ යෙදී සිටියදීත්, රෙදිවලින් මුහුණ ආවරණය කරගත් රැඳවියන් පිරිසක් බන්ධනාගාරයෙන් පළායෑමේ අරමුණින් තාප්ප කඩාදැමීමට කිහිපවතාවක්ම උත්සාහ කර තිබේ.

එක් අවස්ථාවක, එක් රැඳවියකු උල් සහිත යකඩ කූරකින් කොන්ක්‍රීට් තාප්පයට ගසමින් එය හිල්කිරීමට උත්සාහ කළ අතර, ඔහුගේ සගයන් වලවල්වලින් කොන්ක්‍රීට් තහඩු ඉහළට ගෙන ඒවා කඩාදැමීමට උත්සාහ කරන ආකාරය පෙනෙන්නට තිබිණි. කෙසේවෙතත්, ඔවුන්ගේ උත්සාහයන් සාර්ථක නොවිය.

ඡායාරූප මාධ්‍යවේදීන් විසින් කුරුලු (aerial/drone) කෝණයකින් රූපගත කරන ලද මෙම වීඩියෝ දර්ශන සමාජ මාධ්‍ය වෙත මුදාහැරීමත් සමඟ බොහෝදෙනාගේ අවධානය ඊට යොමු විය. එහිදී එක් සමාජ මාධ්‍ය පරිශීලකයකු හාස්‍යජනක ලෙස අදහස් දක්වමින් පවසා තිබුණේ, “සිමෙන්ති සමාගම්වලට තමන්ගේ නිෂ්පාදනවල තත්ත්වය සහ ශක්තිමත්බව ප්‍රචාරය කරන්න භාවිත කරන්න පුළුවන් සුපිරිම ඇඩ් එක මේක”* යනුවෙනි.