ශ්‍රී ලංකාව මේ වසරේ ජනවාරි සිට ජුලි දක්වා කාලය තුළ සංචාරක කර්මාන්තයෙන් ඩොලර් බිලියනයක් උපයා තිබේ.

විදෙස් සංචාරකයින් ජූලි මාසයේදී ඇමෙරිකානු ඩොලර් මිලියන 219ක් වියදම් කර ඇති අතර එය කොවිඩ් වසංගතයෙන් පසු මාසයකදී  සංචාරක කර්මාන්තයෙන් ඉපැයූ ඉහළම ආදයම වේ.

මහ බැංකුවේ තාවකාලික දත්ත අනුව වසරේ පළමු මාස හත තුළ සංචාරක ඉපැයීම් මුළු ඇ.ඩො. බිලියන 1.094, 2022 අනුරූප කාලපරිච්ඡේදය හා සසඳන විට සියයට 43.1 ක වර්ධනයකි.

ජනවාරි සිට ජූලි දක්වා කාලය තුළ සංචාරකයින් 767,913ක් මෙරටට පැමිණ තිබේ.

2022 දී, නොවැම්බර් මාසයේදී සංචාරක ඉපැයීම් ඇමෙරිකානු ඩොලර් බිලියන 1 ක සන්ධිස්ථානයකට ළඟා වූ අතර මුළු වසර සඳහාම සංචාරක ඉපැයීම් වාර්තා වූයේ ඩොලර් බිලියන 1.136ක් පමණි.

පසුගිය වසර තුන තුළ, ඇමරිකානු ඩොලර් මිලියන 200 ක මාසික ආදායම 2020 ජනවාරි (ඇමරිකානු ඩොලර් මිලියන 307) සහ පෙබරවාරි (ඇමරිකානු ඩොලර් මිලියන 278.9) පමණක් ඉක්මවා ඇත.

සංචාරකයන් මිලියන 1.5ක් ගෙන්වා ගනිමින් සංචාරක ව්‍යාපාරයෙන් ඇමෙරිකානු ඩොලර් බිලියන 2.7ක ඉපැයීම් වාර්තා කිරීම 2023 වසර සඳහා ශ්‍රී ලංකාවේ ඉලක්කය වී තිබේ.

2029 වන විට, ශ්‍රී ලංකා සංචාරක සංවර්ධන අධිකාරිය (SLTDA) විදෙස් සංචාරකයින් මිලියන 5ක් ආකර්ශනය කර ගැනීමට ඉලක්ක කර ඇති අතර, එයින් සංචාරකයින් මිලියන 2.5ක්  දිනකට වැයකරන ඇස්තමේන්තුගත මුදල ඇමරිකානු ඩොලර් 500 ඉක්මවනු ඇතැයි අපේක්ෂා කෙරේ.

සංචාරක සංවර්ධන අධිකාරියේ නවතම සංඛ්‍යාලේඛනවලට අනුව ජනවාරි 1 සිට අගෝස්තු 10 දක්වා ශ්‍රී ලංකාව ජාත්‍යන්තර අමුත්තන් 819, 507 ක් පිළිගෙන තිබේ.