ඉරාන යුද්ධය හේතුවෙන් සැපයුම් අඩාළ වීමත් සමඟ ඉන්ධන මිල අස්ථාවර වීම හේතුවෙන් ඉන්දියාව පෙට්‍රල් සහ ඩීසල් සඳහා විශේෂ බදු අඩු කර තිබේ.

බ්‍රහස්පතින්දා නිකුත් කළ රජයේ නියෝගයකින්, ඉන්දියාවේ මුදල් අමාත්‍යාංශය පෙට්‍රල් සඳහා විශේෂ බද්ද ලීටරයකට රුපියල් 3 දක්වා අඩු කළේය.

ඩීසල් සඳහා පැවති රුපියල් 10 බද්ද සම්පූර්ණයෙන් අඩු කළේය.

බොරතෙල් ආනයනයෙන් 40%ක් ප්‍රවාහනය කරන මාර්ගයක් ලෙස සේවය කරන හෝමූස් සමුද්‍ර සන්ධිය මැදපෙරදිග යුද්ධය සමග වසා දැමීමට ආසන්න වී ඇති අතර එමඟින් ඉන්ධන සහ ගෑස් සැපයුම්වලට බාධා සිදු වේ.

බදු කප්පාදුව මගින් රජයට කොපමණ මුදලක් අහිමිවේදැයි අමාත්‍යාංශය ප්‍රකාශ කළේ නැත.

එම්කේ ග්ලෝබල් හි ආර්ථික විද්‍යාඥ මාධවි අරෝරා ඇස්තමේන්තු කර ඇත්තේ වාර්ෂික මූල්‍ය පහර රුපියල් ට්‍රිලියන 1.55කට ආසන්න වනු ඇති බවටයි.

බදු කප්පාදුව මගින් වත්මන් මිල ගණන් යටතේ ඉන්ධන සඳහා තෙල් අලෙවිකරණ සමාගම්වල වාර්ෂික පාඩුවලින් 30%-40%ක් පමණ අවශෝෂණය කර ගනු ඇතැයි ඇය තවදුරටත් පැවසුවාය.

බොරතෙල් මිලෙහි අස්ථාවරත්වය සහ තෙල් හා ගෑස් සැපයුම්වල බාධා හේතුවෙන් ඉන්දියාව දැඩි ලෙස පීඩාවට පත්ව ඇත.

නමුත් චීනය මෙන් නොව පිරිපහදු කළ ඉන්ධන අපනයනය තහනම් කිරීමට ඉන්දියාව පියවර ගෙන නොමැත.

අගමැති නරේන්ද්‍ර මෝදි සහ ඔහුගේ රජය අවධාරණය කර ඇත්තේ වපුරන සමය සඳහා පොහොර සැපයීම සහ විදුලිය සඳහා ඉහළ යන ඉල්ලුම සපුරාලීමට ගල් අඟුරු ඇතුළු ප්‍රමාණවත් විධිවිධාන ක්‍රියාත්මක වන බවයි.

ලෝකයේ තුන්වැනි විශාලතම තෙල් ආනයනකරු සහ පාරිභෝගිකයා වන ඉන්දියාව, විදේශයන්ගෙන් මිලදී ගැනීම් හරහා සිය තෙල් අවශ්‍යතාවයෙන් 90%කට වඩා සපුරා ගනී.

ඉන්දියාව පසුගිය වසරේ ඉවුම් පිහුම් ගෑස් මෙට්‍රික් ටොන් මිලියන 33.15ක් පරිභෝජනය කළ අතර, එය ආනයන ඉල්ලුමෙන් 60%ක් පමණ විය.

එම ආනයනවලින් 90%ක් පමණ පැමිණ තිබුණේ මැද පෙරදිගින්ය.