ඉරානයේ යුද්ධයට මුල් දින හය තුළ එක්සත් ජනපදය විසින් අවම වශයෙන් ඇමරිකානු ඩොලර් බිලියන 11ක් වැය වී ඇති බව ආරක්ෂක විසර්ජන සම්බන්ධයෙන් කටයුතු කරන උපකමිටුවේ ඉහළම ඩිමොක්‍රටික් සෙනෙට් සභික ක්‍රිස් කූන්ස් බදාදා පෙන්වා දුන්නේය.

“මම හිතන්නේ එය ආසන්න වශයෙන් නිවැරදියි,” ඔහු වාර්තාකරුවන්ට පැවසුවේ පිරිවැය ඇස්තමේන්තුව ඩොලර් බිලියන 11.3ක් ලෙස ලැයිස්තුගත කර ඇති වාර්තාවකට ප්‍රතිචාර දක්වමිනි.

එම අදහස් දැක්වීමට පෙර, සීඑන්එන් වාර්තා කර තිබුණේ ඉරානය සමඟ යුද්ධයේපළමු දින හය තුළ අවම වශයෙන් ඩොලර් බිලියන 11ක් වැය වූ බව මූලික ඇස්තමේන්තුවලින් පෙනී යන බව පෙන්ටගනය විසින් පෞද්ගලික සාකච්ඡාවකදී එක්සත් ජනපද නීති සම්පාදකයන්ට පවසා ඇති බවයි.

ගැටුමේ පළමු දින දෙක තුළ එක්සත් ජනපද හමුදාව ඩොලර් බිලියන 5කට වඩා වටිනා පතොරම් භාවිත කළ බව සීඑන්එන් මීට පෙර වාර්තා කර තිබිණි.

මේ අතර, එක්සත් ජනපද ජනාධිපති ඩොනල්ඩ් ට්‍රම්ප් ඉරානය සමඟ යුද්ධයේදී ‘අපි ජයග්‍රහණය කළ බව’ කියා සිටියේ තම ප්‍රකාශය පිළිබඳ සැළකිව යුතු සාක්ෂි ලබා නොදීය.

“අපි දිනුවා කියලා මට කියන්න දෙන්න. ඔබ දන්නවනේ, ඔබ කවදාවත් කැමති නැහැ ඉක්මනින් කියන්න ඔබ දිනුවා කියලා. අපි දිනුවා. අපි දිනුවා, ඒක පළමු පැයේදී අවසන් වුණා. නමුත් අපි දිනුවා,” යනුවෙන් ජනාධිපතිවරයා පැවසීය.

ඉරානය සමඟ යුද්ධය කොපමණ කාලයක් පවතිනු ඇත්ද යන්න පිළිබඳ ට්‍රම්ප්ගේ පණිවිඩය පැහැදිලි නැත.

ඇතැම්විට යුද්ධය කාලසටහනට වඩා සැළකිව යුතු ලෙස ඉදිරියෙන් ඇති බවත්, සති හතරක් හෝ හයක් ගතවනු ඇති බවත්, අපි “දැනටමත් ජයග්‍රහණය කරලා … නමුත් අපි ප්‍රමාණවත් ජයග්‍රහණයක් ලබාගෙන නැහැ” යනුවෙන්, ප්‍රහාර එල්ල කිරීම යුද්ධයක් සහ ‘කෙටි විනෝද චාරිකාවක්’ වී ඇති බවත් පැවසීය.

කෙන්ටකි හි කළ කතාවේදී ජනාධිපතිවරයා ඔපරේෂන් එපික් ෆියුරි යන නම ඉදිරිපත් කළ ආකාරය ද පැවසීය.

“ඔවුන් මට නම් 20ක් වගේ දුන්නා. මට හරියට නින්ද යන්න වගේ. මම ඒවායින් කිසිවකට කැමති වුණේ නැහැ. ඊට පස්සේ මට එපික් ෆියුරි කියන එක පේනවා. මම කිව්වා, ‘මට ඒ නමට කැමතියි’ කියලා,” යැයි ජනාධිපතිවරයා පැවසීය.