ඔටාවා ඉතිහාසයේ දරුණුතම සමූහ ඝාතනවලින් එකක් වන ඝාතනයට ලක්වූ ශ්‍රී ලාංකික පවුලක සාමාජිකයන්ගේ අවමංගල්‍ය උත්සවය ඊයේ සියයකට වැඩි පිරිසකගේ සහභාගීත්වයෙන් පැවැත්විණි.

ඔටාවා නුවර බාර්හේවන්හි තදාසන්න ප්‍රදේශයේ නගර නිවසක් තුළ දී පසුගිය මාර්තු 6 වැනි දින දරුවන් හතර දෙනෙකු ඇතුළු හය දෙනෙකු මිය ගිය අතර ඔවුන් සිහිපත් කිරීම සඳහා අවමංගල්‍ය උත්සවය පැවැත්වුණු Infinity මධ්‍යස්ථානයේ විවිධ ආගමික සංවිධාන කර තිබිණි.

අවමංගල්‍ය උත්සවයේදී අදහස් දැක්වූ අජාන් විරධම්මෝ හිමි ලොව පුරා ශෝකයෙන් සිටින අයගෙන් ඉල්ලා සිටියේ බලාපොරොත්තු සුන්වීමට හෝ කෝපයට නැඹුරු නොවී එකිනෙකාට සහයෝගය දැක්වීම කෙරෙහි අවධානය යොමු කරන ලෙසයි.

“ඔටාවා ප්‍රදේශයේ අපි මෙම කණගාටුදායක තත්ත්වයට මුහුණ දෙමින් සිටිනවා, නමුත් මෙහි බලපෑම ලොව පුරා සැමට දැනෙන බව අපි දන්නවා.ඇදහිල්ලේ හදවතේ පවතින දයානුකම්පාවෙන් සහ ප්‍රඥාවෙන් අප ශක්තිය ලබා ගත යුත්තේ මවැනි අඳුරු අවස්ථාවන්හිදී. අපගේ මනුෂ්‍යත්වය සහ දයානුකම්පාව සඳහා අපගේ නොසැලෙන කැපවීම මගින් අපි එකට බැඳී සිටිමු. ” යැයි උන්වහන්සේ පැවසීය.

ඝාතනයට ලක්වූවන් අතර 35 හැවිරිදි දර්ශනී ඒකනායක සහ ඇයගේ මාස දෙකේ සිට අවුරුදු හත දක්වා වයස්වල පසුවන දරුවන් සිව්දෙනා මෙන්ම පවුලේ හිතවතෙක් ද වේ.

ඇගේ සැමියා සහ දරුවන්ගේ පියා වන ධනුෂ්ක වික්‍රමසිංහගේ දෑත්වලට සහ මුහුණට තුවාල සිදුවී රෝහල් ගතකර සිටි අතර ඔහු අවමගුල් උත්සවයට පැමිණ සිටියේය.

උත්සවයේදී ඔහු හඬා වැලපෙනු දක්නට ලැබුණි.

ඔහුගේ අතක එක් ඇඟිල්ලක වෙළුම් පටියක් දමා තිබිණි.

අවමංගල්‍ය සංවිධායකයන් සිකුරාදා පැවසුවේ ඔහුගේ පවුලේ අයගේ වියෝව ගැන වැලපීම සඳහා ඔහු පෞද්ගලිකත්වය අගයකරන ලෙස ඉල්ලා ඇති නමුත් ඔහුගේ ඥාතීන් මිය ගිය දා සිට ලබා දුන් මහජන සහයෝගය ගැන ස්තූතිවන්ත වන බවයි.

කුඩා සුදු පෙට්ටි තුනක් සහ විශාල ලී පෙට්ටි දෙකක් ඇතුළුව මිනී පෙට්ටි පහක් infinity මධ්‍යස්ථානයේ තබා තිබූ අතර ඉන් එකක මවගේ සහ ඇගේ දරුවාගේ ඡායාරූප රාමු කර තිබිණි.

ඝාතනයට ලක්වූ පවුලේ හිතවතකු වන ගාමිණී අමරකෝන් අමරකෝන්ගේ බිරිඳ සහ දියණියගේ හඬපට මෙම උත්සවයට එක්කර තිබිණි.

ශ්‍රී ලංකාවේ සිටින ඔහුගේ ආදරණීයයන්ට කැනඩාවට යෑමට නොහැකි වී තිබිණි.

මෙම අවමගුල් උත්සවයට බෞද්ධ චාරිත්‍රමෙන්ම දිවි ගලවා ගත් ඥාතීන්ට ශක්තිය ලබා දෙන ලෙස කෙරුණු විවිධ ආගම්වල දේශකයන්ගේ යාච්ඤා ද ඇතුළත් විය.

ඔටාවා නගරාධිපති මාර්ක් සට්ක්ලිෆ් වාර්තාකරුවන්ට පැවසුවේ “අපි මේ පවුල් දෙක වටා අපේ දෑත් දිගටම තැබිය යුතුයි. ඔවුන්ට බොහෝ දුෂ්කර දින සහ අභියෝග රාශියක් ඉදිරියේ තිබෙනවා.” යනුවෙනි.

වික්‍රමසිංහ පවුලේ සාමාජිකයන් මෑතකදී කැනඩාවට පැමිණි ශ්‍රී ලාංකිකයන් වූ අතර බාල දැරිය කැනඩාවේ දී උපත ලබා තිබිණි.

ප්‍රහාරය සිදු වූ දින සවස 19 හැවිරිදි ශ්‍රී ලාංකිකයකු අත්අඩංගුවට ගත් පොලිසිය ඔහුට පළමු මට්ටමේ මිනීමැරුම් හයක් සහ මිනීමැරීමට තැත් කිරීමේ චෝදනාවක් සම්බන්ධයෙන් චෝදනා ඉදිරිපත් කළේය.

ෆෙබ්‍රියෝ ද සොයිසා විදෙස් ශිෂ්‍යයකු වන අතර එම පවුල සමඟ ජීවත්ව සිට ඇති බව පොලිසිය පවසයි.

ද සොයිසාගේ නීතීඥ ඉවාන් ලිට්ල් පැවසුවේ තම සේවාදායකයා ආරක්ෂිත අත්අඩංගුවේ පසුවන බවත් ඔහුගේ පවුලේ අය මෙම චෝදනා සම්බන්ධයෙන් “පැහැදිලිවම දැඩි කලකිරීමෙන්” සිටින බවත්ය.