පෙබරවාරි 15 ​​වැනිදා ඉන්දියාවට එරෙහිව පැවැත්වෙන T20 ලෝක කුසලාන තරගය වර්ජනය කිරීම සම්බන්ධයෙන් අන්තර්ජාතික ක්‍රිකට් කවුන්සිලය පාකිස්ථාන ක්‍රිකට් මණ්ඩලය සමඟ සාකච්ඡා කරමින් සිටින බව AFP පුවත් සේවය ඊයේ වාර්තා කළේය.

පරම ප්‍රතිවාදීන් වන ඉන්දියාව සහ පාකිස්ථානය අතර සිදුවන ඕනෑම ගැටුමක් ක්‍රිකට් ක්‍රීඩාවේ වඩාත්ම ලාභදායී එකක් වන අතර එය විකාශන, අනුග්‍රාහක සහ වෙළඳ දැන්වීම් ආදායම සැලකීමේ දී ඩොලර් මිලියන ගණනක වටිනාකමක් ඇත.

නමුත් පාකිස්ථාන රජය කණ්ඩායමට කොළඹදී තරගය ක්‍රීඩා නොකරන ලෙස නියෝග කිරීමෙන් පසු තරගය අවිනිශ්චිත වී තිබේ.

ICCයේ විධිමත් සන්නිවේදනයකින් පසු පාකිස්ථාන ක්‍රිකට් මණ්ඩලය ඔවුන් වෙත සම්බන්ධ වූ බව මෙම සිදුවීම්වලට සමීප මූලාශ්‍රයක් AFP පුවත් වෙත පවසා තිබේ.

ICCය ගැටුමකින් නොව සංවාදයකින් විසඳුමක් අපේක්ෂා කරන බව මූලාශ්‍රය වැඩිදුරටත් සඳහන් කර ඇත.

ආරක්ෂක හේතූන් මත ඉන්දියාවේ ක්‍රීඩා කිරීම ප්‍රතික්ෂේප කළ බංග්ලාදේශය, ස්කොට්ලන්තය විසින් ප්‍රතිස්ථාපනය කිරීමෙන් පසු කණ්ඩායම් 20කින් යුත් තරඟාවලිය දැඩි දේශපාලනික ආතතියකින් යටපත් වී ඇත.

විරෝධතාවක් ලෙස, පාකිස්ථානය ඔවුන්ගේ A කාණ්ඩයේ තරඟයේදී සම-සත්කාරක ඉන්දියාවට මුහුණ දීම ප්‍රතික්ෂේප කළේය.

සෙනසුරාදා පැවති තරඟාවලියේ ආරම්භක තරඟයේදී නෙදර්ලන්තය පරාජය කළ පාකිස්ථානයට, මෙම තරගය අහිමි වුවහොත් ලකුණු දෙකක් අහිමි වන අතර ඔවුන්ගේ ශුද්ධ ලකුණු අනුපාතයට එමගින් සැළකිව යුතු පහරක් එල්ල වේ.

ඉන්දීය නායක සූර්යකුමාර් යාදව් මේ සතියේ පැවසුවේ තම කණ්ඩායම තරගය සඳහා කොළඹට යන බවයි.

පාකිස්ථානය සහ ඉන්දියාව දශකයකට වැඩි කාලයක් ද්විපාර්ශ්වික ක්‍රිකට් ක්‍රීඩාකර නොමැති අතර ගෝලීය හෝ කලාපීය තරඟාවලිවලදී පමණක් හමුවෙයි.