මෙම වසර ඇතුළත පළාත් සභා ඡන්ද විමසීම පවත්වන බව විද්‍යා හා තාක්ෂණ අමාත්‍ය මහාචාර්ය ක්‍රිශාන්ත අබේසේන සඳහන් කරයි.

එම ඡන්ද විමසීම කල්දැමීම සඳහා ආණ්ඩුවට කිසිදු අවශ්‍යතාවක් නොමැති බව ද ඔහු සඳහන් කළේය.

ඔහු පැවසුවේ දිට්වා වැනි ආපදා හේතුවෙන් ඊට ප්‍රමුඛතාවක් නොලැබුණ ද මෙම වසර ඇතුළත එම මැතිවරණය පවත්වන බවට වන ස්ථාවරයේ රජය සිටින බවයි.

ඒ අනුව ඊට අදාළ නිවේදන අදාළ අමාත්‍යාංශය විසින් සිදුකරනු ඇති බව ඔහු සඳහන් කළේය.