2026 T20 ලෝක කුසලානයේ සත්කාරක විකාශකයා වන ස්ටාර් ස්පෝර්ට්ස් විසින් ඉන්දීය රසිකයකු දකුණු අප්‍රිකාවට සුපිරි 8 වටයේ තරගයට පෙර සමච්චල් කරන ආකාරය දක්වමින් පළ කළ මතභේදාත්මක ප්‍රවර්ධන දැන්වීමක් ඉවත්කර ඇත.

මෙම ප්‍රවර්ධන දැන්වීම, ඉන්දියාව-දකුණු අප්‍රිකානු තරගය වටා උද්යෝගයක් ඇති කිරීමට අදහස් කරන ලද්දකි.

මෙම වීඩියෝවේ, ඉන්දියානු ආධාරකරුවකු 2024 T20 ලෝක කුසලාන අවසන් මහා තරඟයේදී දකුණු අප්‍රිකාවේ පරාජය සිහිපත් කරමින් කප්කේක් එකක් හරහා දකුණු අප්‍රිකානු රසිකයකුට විහිළු කරන ආකාරය පෙන්නුම් කළේය.

මෙම දැන්වීම සමාජ මාධ්‍යවල නරඹන්නන්ගෙන් විවේචනයට ලක් වූ අතර, බොහෝ දෙනෙක් කියා සිටියේ එය ක්‍රීඩාවේ ආත්මය අඩපණ කළ බවත්, සීමාව ඉක්මවා සෙල්ලක්කාර එදිරිවාදිකම්වල සිට අගෞරවය දක්වා ගොස් ඇති බවත්ය.

දකුණු අප්‍රිකාව ඊයේ අහමදාබාද්හිදී ඉන්දියාව ලකුණු 76කින් පරාජය කිරීමෙන් පසු ප්‍රතිවිරෝධතා තීව්‍ර විය.

ඩේවිඩ් මිලර්ගේ පන්දු 35කින් ලකුණු 63ක් ලබා ගනිමින් දකුණු අප්‍රිකාව සිය ඕවර 20කදී කඩුලු 7කට ලකුණු 187ක් රැස් කළේය.

පිළිතුරු වශයෙන් ඉන්දියාව ලකුණු 111කට දැවී ගිය අතර, ශිවම් ඩුබේ පමණක් ලකුණු 42ක සැළකිව යුතු දායකත්වයක් ලබාදුන්නේය.

පසුව ස්ටාර් ස්පෝර්ට්ස් හි නිල X ගිණුමෙන් දැන්වීම ඉවත් කරන ලදී.

වීඩියෝව ඉවත් කිරීමට ගත් තීරණය සුපර් 8 තරඟයට පෙර හෝ පසුව ගනු ලැබුවේද යන්න තවමත් පැහැදිලි නැත.

ඉවත් කිරීම සම්බන්ධයෙන් ස්ටාර් ස්පෝර්ට්ස් වෙතින් ක්ෂණික නිල ප්‍රකාශයක් නිකුත් නොවීය                                                                                                                  https://www.youtube.com/watch?v=4DwYVTRzVTQ