ස්ටෑන්ඩර්ඩ් චාර්ටඩ් බැංකුවේ ධනය සහ සිල්ලර බැංකු ව්‍යාපාර කෙරෙහි මෙරට දේශීය වාණිජ බැංකු පහක් පමණ අවධානය යොමු කර ඇති බව වාර්තා වේ.

මෙම බැංකු දැනට ස්ටෑන්ඩර්ඩ් චාර්ටඩ් බැංකුව ඇගයීමට ලක් කරමින් සිටින බව බැංකු ක්ෂේත්‍රයට සම්බන්ධ නිලධාරීන් ප්‍රකාශ කර තිබේ.

සමූහයට වඩාත්ම සුවිශේෂී සේවාදායක යෝජනාව ඇති ස්ථානවල සම්පත් සංකේන්ද්‍රණය කිරීමට ස්ටෑන්ඩර්ඩ් චාර්ටඩ් බැංකුවේ මව් සමාගමට ඇති කැපවීම සමඟ මෙම පියවර සමපාත වේ.

මාස 15-18ක් ගතවනු ඇතැයි අපේක්ෂා කරන සංක්‍රාන්ති කාලය තුළ බැංකුව සුපුරුදු පරිදි ප්‍රමුඛතා සේවාදායකයන්ට සේවය කරනු ඇති බව ස්ටෑන්ඩර්ඩ් චාර්ටඩ් බැංකුව මෙම මස මුලදී නිවේදනයක් නිකුත් කරමින් කියා සිටියේය.

කුඩා එකතුවක් වුවද එය ශක්තිමත් එකක් බව විශ්ලේෂකයන්ගේ අදහසයි.

ඔවුන් පවසන පරිදි ගනුදෙනුව ලබන වසරේ මාර්තු වන විට අවසන් වනු ඇතැයි අපේක්ෂා කෙරේ.

බාධා අවම කිරීම සඳහා ප්‍රධාන කොටස්කරුවන් සමඟ ක්‍රියාවලිය කළමනාකරණය කිරීමට බැංකුව කැපවී සිටින අතර ඕනෑම වෙනසක් පිළිබඳ සේවාදායකයන් යාවත්කාලීන කිරීම අඛණ්ඩව කරගෙන යනු ඇතැයි ස්ටෑන්ඩර්ඩ් චාර්ටඩ් බැංකුව තවදුරටත් පැවසීය.