May 21, 2026
ඊශ්රායලය භාරයට ගනු ලැබූ ‘ග්ලෝබල් සුමුද් ෆ්ලෝටිලා’ යාත්රාවේ රැඳවියන්ට අමානුෂික ලෙස සැලකීම නිරූපණය කරන බව පෙනෙන, ඊශ්රායල අමාත්ය ඉටමාර් බෙන්-ග්විර් විසින් පළ කරන ලද වීඩියෝ පට සම්බන්ධයෙන් ශ්රී ලංකා රජය දැඩි කනස්සල්ල පළ කර ඇත.
විදේශ කටයුතු, විදේශ රැකියා සහ සංචාරක අමාත්යාංශය නිවේදනයක් නිකුත් කරමින් කියා සිටියේ බලපෑමට ලක් වූ ශ්රී ලාංකිකයකුට ක්ෂණික කොන්සියුලර් ප්රවේශය ලබා ගැනීම සඳහා රාජ්ය තාන්ත්රික මාර්ග හරහා ඊශ්රායල විදේශ අමාත්යාංශය සමඟ සම්බන්ධ වී සිටින බවයි.
එම පුද්ගලයාගේ ආරක්ෂාව, යහපැවැත්ම සහ ගෞරවය සහතික කිරීම මෙන්ම ඇයව ශ්රී ලංකාවට ඉක්මණින් හා ආරක්ෂිතව නැවත ගෙන්වා ගැනීම සහතික කිරීම සඳහා සාකච්ඡා සිදුවෙමින් පවතින බව අමාත්යාංශය තවදුරටත් පැවසීය.
විදේශයන්හි සිටින ශ්රී ලාංකික පුරවැසියන්ගේ ආරක්ෂාව සහ සුභසාධනය සඳහා රජය සම්පූර්ණයෙන්ම කැපවී සිටින බව එහි වැඩිදුරටත් සඳහන් විය.
