ශ්‍රී ලංකා පොලිසියේ නිල යූ-ටියුබ් නාලිකාව වන Sri Lanka Police නිත්‍ය ප්‍රේක්ෂක සංඛ්‍යාව (subscribers) ලක්ෂය ඉක්මවා ඇත.

ඒ වෙනුවන් යූ-ටියුබ් ආයතනයෙන් ලබාදෙන ‘යූ-ටියුබ් රිදී සන්නාම පුවරුව'(YouTube Silver play button) පොලිස් මාධ්‍ය කොට්ඨාසයට හිමිව ඇත.

ඒ වෙනුවෙන් ශ්‍රී ලංකා පොලිසිය සිය ෆේස්බුක් පිටුවේ තබා ඇති සටහන පහතින් දැක්වේ.

“SRI LANKA POLICE අපේ නිල යූ-ටියුබ් නාලිකාවේ නිත්‍ය ප්‍රේක්ෂක පිරිසට එක්වූ නීතිගරුක ප්‍රේමණීය හදවත් සියක් දහස දිනාදුන් ත්‍යාගය, යූ-ටියුබ් රිදී සන්නාම පුවරුව (YouTube Silver play button) 2025.07.23 වන අද දින උදෑසන පොලිස් මාධ්‍ය කොට්ඨාසයට හිමි විය.
රාජ්‍ය ආයතනයක් ලෙස අප ලබාගත් කැපී පෙනෙන ජයග්‍රහනයක් ලෙස මෙම අවස්ථාව ප්‍රශංසනීයව අගයන ඔබ සියලු දෙනාට අපගේ ගෞරවනීය ස්තූතිය පුදකරන්නෙමු.”