March 22, 2026
කටුනායක බණ්ඩාරනායක ජාත්යන්තර ගුවන් තොටුපළ, මත්තල රාජපක්ෂ ජාත්යන්තර ගුවන් තොටුපළ, යාපනය ජාත්යන්තර ගුවන් තොටුපළ, රත්මලාන ගුවන් තොටුපළ සහ මඩකලපුව ගුවන් තොටුපළ මෙන්ම අනෙකුත් දේශීය ගුවන් පථ වැනි ප්රධාන පහසුකම් පිළිබඳව එක්සත් ජාතික පක්ෂයේ හිටපු නියෝජ්ය නායක පාර්ලිමේන්තු මන්ත්රී රවී කරුණානායක පාර්ලිමේන්තුවේදී ආණ්ඩු පක්ෂයෙන් ප්රශ්න කළේය.
මෙම ගුවන් තොටුපළවල වත්මන් භාවිත අනුපාතයන් සහ ඒවා සැලසුම් කර ඇති ධාරිතාවට වඩා වැඩි මට්ටමකින් හෝ අඩු මට්ටමකින් ක්රියාත්මක වන්නේද යන්න පිළිබඳවද ඔහු එහිදී විමසා සිටියේය.
එමෙන්ම පර්යන්ත ව්යාප්තිය, ධාවන පථ වැඩිදියුණු කිරීම සහ ප්රාදේශීය ගුවන් තොටුපළ සංවර්ධනය ඇතුළු දැනට ක්රියාත්මක වන සහ සැලසුම් කර ඇති ගුවන් සේවා යටිතල පහසුකම් ව්යාපෘති පිළිබඳ යාවත්කාලීන තොරතුරු ඉල්ලා සිටි මන්ත්රීවරයා විශේෂයෙන් බණ්ඩාරනායක ජාත්යන්තර ගුවන් තොටුපළේ යෝජිත දෙවන පර්යන්තය ව්යාප්ත කිරීම පිළිබඳ අවධානය යොමු කළේය.
ගුවන් තොටුපළ ධාරිතාව හා සම්බන්ධ සංචාරක ව්යාපාරයේ වර්ධනයට බලපාන කිසියම් බාධාවන් පවතී නම් ඒවා පෙන්වා දෙන ලෙසද ඔහු එහිදී ආණ්ඩු පක්ෂයෙන් ඉල්ලා සිටියේය.
