රක්‍ෂිත බන්ධ­නා­ගා­ර­ගත කර සිටින හිටපු ඇමැති, දොස්තර රාජිත සේනා­රත්න රඳවා සිටින කොළඹ රිමාන්ඩ් බන්ධ­නා­ගා­රයේ එන් වාට්ටුවේ සිර­ක­රු­වන් විසින් මීට පෙර බිත්ති මත ලියා ඇති කුරුටු ගී (කවි) කියවා රස­වි­ඳින බව බන්ධ­නා­ගාර ආරංචිමාර්ග උපුටා දක්වමින් ‘දිනමිණ’ සඳ­හන් කරයි.

මේ කවි තමන්ට රස­වත් මතක සට­හන් වනු ඇතැයි ඔහු සෙසු රැඳවූ­වන්ට සහ ඇතැම් බන්ධ­නා­ගාර නිල­ධා­රීන්ට පවසා ඇතැයි වාර්තා වේ.

රාජිත සේනාරත්න බන්ධ­නා­ගාර බල­ධා­රීන් වෙතින් කිසිදු පහ­සු­ක­මක් ඉල්ලා නොමැති අතර, පසු­ගිය බදාදා වෛද්‍ය පරී­ක්ෂ­ණ­ය­කට බන්ධ­නා­ගාර රෝහ­ලට ගෙනගිය ද ඉන්පසු රිමාන්ඩ් බන්ධ­නා­ගා­ර­ය­ටම යෑමට අවශ්‍ය බව බන්ධ­නා­ගාර නිල­ධා­රීන්ට දැනුම් දී තිබේ.

විවිධ චෝද­නා­ව­ලට ලක්ව රක්‍ෂිත බන්ධ­නා­ගා­ර­ගත කළ රජයේ නිල­ධා­රීන් ඇතුළු සිර­ක­රු­වන් 25 දෙනකු පමණ රාජිත සේනා­රත්න සමඟ එන් වාට්ටුවේ සිටින අතර, දින­පතා පුව­ත්පත් කිය­ව­මින් සහ රූප­වා­හි­නිය නර­ඹ­මින් සේනා­රත්න මහතා කල් ගතකරන බව ද සඳ­හන්ය.

හිටපු ඇමැ­ති­ව­රයා හමු­වී­මට දින­කට 15ත් 20ත් අතර පිරි­සක් පසු­ගිය සතියේ රිමාන්ඩ් බන්ධ­නා­ගා­ර­යට පැමිණි අතර, ඒ නිසා ඔහුට උදය වරුවේ සහ පස්ව­රුවේ වැඩි කාල­යක් අමු­ත්තන් වෙනු­වෙන් ගතකිරී­මට සිදු වූ බවත් ඊයේ (07) දිනයේ අමු­ත්තන් හමු­වී­මට රැඳ­වූ­වන්ට අව­ස්ථාව හිමිනොවන නිසා ඔහු තම සිර වාට්ටු­වට වී කල් ගත කළ බවත් බන්ධ­නා­ගාර ආරංචි මාර්ග කියයි.