රෝයල් චැලෙන්ජර්ස් බැංගලෝර් කණ්ඩායමට එරෙහිව පැවති IPL තරඟයේදී ජංගම දුරකථනයක් භාවිත කළ බවට චෝදනා එල්ල වී ඇති රාජස්ථාන් රෝයල්ස් කණ්ඩායමේ කළමනාකරු රෝමි බින්දර්, නිල වශයෙන් පරීක්ෂාවට ලක්ව ඇත.

වාර්තාවලට අනුව, ඉන්දීය ක්‍රිකට් පාලක මණ්ඩලයේ (BCCI) දූෂණ විරෝධී සහ ආරක්ෂක ඒකකය (ACSU) බින්දර්ට හේතු දැක්වීමේ දැන්වීමක් නිකුත් කර ඇති අතර සිද්ධිය සම්බන්ධයෙන් පැය 48ක් ඇතුළත ප්‍රතිචාරයක් ඉල්ලා ඇත.

තරග අතරතුර ක්‍රීඩකයන් සහ තරඟ නිලධාරීන්ගේ ප්‍රදේශයේ ජංගම දුරකථන භාවිතය IPL දූෂණ විරෝධී ප්‍රොටෝකෝල යටතේ සීමාකර ඇති අතර, තරඟ අතරතුර අනවසර සන්නිවේදනයක් වැළැක්වීම සඳහා දැඩි නීති රීති ක්‍රියාත්මක වේ.

රූපවාහිනී දර්ශනවලින් වාර්තා වන පරිදි, රෝයල් චැලෙන්ජර්ස් බැංගලෝර් කණ්ඩායමට එරෙහිව රාජස්ථාන් රෝයල්ස් කණ්ඩායම සහභාගී වූ තරඟයේදී බින්දර් ජංගම දුරකථනයක් භාවිත කළ අතර, ඒ සම්බන්ධයෙන් දූෂණ විරෝධී සහ ආරක්ෂක ඒකකය පරීක්ෂණයක් ආරම්භ කර තිබේ.

මේ සම්බන්ධයෙන් තවමත් නිල තීරණයක් ගෙන නොමැති අතර, බින්දර් දැන්වීමට ප්‍රතිචාර දැක්වීමෙන් පසු ඉදිරි ක්‍රියාමාර්ග අපේක්ෂා කෙරේ.

රාජස්ථාන් රෝයල්ස් කණ්ඩායම ද මේ සම්බන්ධයෙන් මේ දක්වා නිල ප්‍රකාශයක් නිකුත් කර නොමැත.