කෘෂිකර්ම අමාත්‍යාංශයේ කටයුතු සඳහා රාජගිරිය ප්‍රදේශයේ ගොඩනැගිල්ලක් බදුදීම සම්බන්ධයෙන් සිදුකරන ලද විමර්ශනයකට අදාළව අල්ලස් කොමිසම විසින් හිටපු කැබිනට් අමාත්‍යවරුන් කිහිපදෙනෙකුගෙන් ප්‍රශ්න කර තිබේ.

මේ සම්බන්ධයෙන් ප්‍රකාශයක් ලබාදීම සඳහා විපක්ෂ මන්ත්‍රී ගයන්ත කරුණාතිලක අද (11) උදෑසන අල්ලස් හෝ දූෂණ චෝදනා විමර්ශන කොමිසම හමුවේ පෙනීසිටියේය.

සිද්ධිය වූ අවස්ථාවේ කැබිනට් අමාත්‍යවරයකු ලෙස සේවය කළ කරුණාතිලකට ප්‍රකාශයක් ලබාදීම සඳහා කොමිසම විසින් කැඳවා ඇත.

ඊයේ, යහපාලන රජය යටතේ සේවය කළ හිටපු අමාත්‍යවරුන් වන ලක්ෂ්මන් කිරිඇල්ල සහ මහින්ද සමරසිංහ ද එම සිද්ධියට අදාළව ප්‍රකාශ ලබාදීම සඳහා කොමිසම හමුවේ පෙනීසිටියහ.