ලංකා ඛනිජ තෙල් නීතිගත සංස්ථාව (CPC) ඊයේ රාත්‍රියේ (09) සිට ක්‍රියාත්මක වන පරිදි ඉන්ධන සිල්ලර මිල සංශෝධනය කරන බව නිවේදනය කර ඇත.

ලංකා ඛනිජ තෙල් නීතිගත සංස්ථාවට අනුව, සංශෝධිත මිල ගණන් දිවයින පුරා අදාළ වන අතර සිපෙට්කෝ පිරවුම්හල් හරහා බෙදාහරින ඉන්ධන කාණ්ඩ කිහිපයකට බලපානු ඇත.

නව මිලකරණ ව්‍යුහය යටතේ, ලංකා පෙට්‍රල් 92 ඔක්ටේන් ලීටරයකට රු. 24 කින් වැඩිකර රුපියල් 317 ක් වන අතර, ලංකා පෙට්‍රල් 95 ඔක්ටේන් යුරෝ 4 ලීටරයක් රු. 25 කින් වැඩි කර රුපියල් 365 ක් වේ.

ලංකා සුදු ඩීසල් ලීටරයක් රු. 22 කින් වැඩිකර රුපියල් 303 ක් වන අතර, ලංකා සුපර් ඩීසල් 4 ස්ටාර් යුරෝ 4 ලීටරයක් රු. 24 කින් වැඩි කර රුපියල් 353 ක් වේ.

මේ අතර, ලංකා භූමිතෙල් ලීටරයකට රු. 13 කින් වැඩි කර රුපියල් 195 ක් වේ.

මේ අතර දිවයිනේ බොහෝ ඉන්ධන අලෙවිසැල් මෙම තීරණය දැනුම්දීමෙන් අනතුරුව, ඊයේ මධ්‍යම රාත්‍රිය වන තුරු, ඉන්ධන අලෙවිය නතර කර තිබුණු බව වාර්තා විය.