බංග්ලාදේශයට එරෙහිව සිකුරාදා ඩකාහි පැවති පාකිස්ථාන දෙවැනි එක්දින තරගයේදී ICC චර්යාධර්ම සංග්‍රහයේ 1 වැනි මට්ටම උල්ලංඝනයක් සම්බන්ධයෙන් පාකිස්ථාන ක්‍රීඩක සල්මන් අලි අගාට නිල වශයෙන් තරවටු කර තිබේ.

‘අන්තර්ජාතික තරඟයක් අතරතුර ක්‍රිකට් උපකරණ හෝ ඇඳුම්, බිම් උපකරණ හෝ සවිකිරීම් සහ උපාංග අනිසි ලෙස භාවිත කිරීම’ හා සම්බන්ධ ක්‍රීඩකයන් සහ ක්‍රීඩක සහායක පිරිස් සඳහා වන ICC චර්යාධර්ම සංග්‍රහයේ 2.2 වගන්තිය අගා උල්ලංඝනය කර ඇති බව නිරීක්ෂණය කර තිබිණි.

පසුගිය මාස 24ක කාලයක් තුළ අගා කළ පළමු වරද මෙය වන අතර, ඔහුගේ විනය වාර්තාවට එක් ඍණ ලකුණක් එකතු කර ඇත.

මෙම සිදුවීම සිදු වූයේ පාකිස්ථාන ඉනිමේ 39 වැනි ඕවරයේදී, දුවද්දී දැවී යාමෙන් පසු, අගා ඔහුගේ පිතිකරණ අත්වැසුම් සහ හිස්වැස්ම නුසුදුසු ආකාරයෙන් බිමට දමා ගැසූ අවස්ථාවේදීය.

අගා වරද පිළිගෙන එමිරේට්ස් ICC අන්තර්ජාතික තරඟ තීරක මණ්ඩලයේ නියමූර් රෂීඩ් රාහුල් විසින් යෝජනා කරන ලද දඬුවම පිළිගෙන තිබිණි.

එබැවින් විධිමත් විභාගයක් අවශ්‍ය නොවීය.

පිටියේ විනිසුරුවන් වන ඒඩ්‍රියන් හෝල්ඩ්ස්ටොක් සහ තන්වීර් අහමඩ්, තුන්වැනි විනිසුරු කුමාර් ධර්මසේන සහ සිව්වැනි විනිසුරු මසුදූර් රහ්මාන් මුකුල් චෝදනාව ඉදිරිපත් කළහ.

1 වැනි මට්ටමේ උල්ලංඝනයන් සඳහා අවම වශයෙන් නිල තරවටු කිරීමක්, ක්‍රීඩකයකුගේ තරඟ ගාස්තුවෙන් සියයට 50ක උපරිම දඩයක් සහ ඍණ ලකුණු එකක් හෝ දෙකක් ඇතුළත් වේ.

බංග්ලාදේශයට එරෙහිව ඩක්වත් ලුවිස් ක්‍රමයට ලකුණු 128ක ජයග්‍රහණයක් ලබා ගනිමින් පාකිස්ථානය තරඟ තුනකින් යුත් තරගාවලිය සම කළ අතර අද තීරණාත්මක තුන්වැනි තරඟය පැවැත්වෙනු ඇත.