එළැඹෙන අගෝස්තු 2 වන දිනට යෙදී තිබෙන City of Dreams Sri Lanka ව්‍යාපෘතිය විවෘත කිරීමේ උත්සවයට විශේෂ ආරාධිත අමුත්තා ලෙස සුපිරි බොලිවුඩ් නළු ෂාරුක් ඛාන් සහභාහී වන බව එම ව්‍යාපෘතිය නිල වශයෙන් නිවේදනය කර තිබේ.

එමගින් ඔවුන් පවසන්නේ ෂාරුක් ඛාන් සමඟින් ”සිටි ඔෆ් ඩ්‍රීම්ස් ශ්‍රී ලංකා” විවෘත කිරීම අමුත්තන් සඳහා අමතක නොවන අත්දැකීමක් ලබා දෙන බවයි

”සූදානම් වන්න, දකුණු ආසියාව! බොලිවුඩයේ අසහාය රජු, ෂාරුක් ඛාන්,  2025 අගෝස්තු 2 වන දින,  අපේක්‍ෂා කරන ලද City of Dreams Sri Lanka විවෘත කිරීමේ උත්සවයට විශේෂ ආරාධිත අමුත්තා ලෙස සහභාගී වෙමින්, ශ්‍රී ලංකාවට දර්ශනීය සංචාරයක් කිරීමට සූදානම් වේ.” ලෙස ඔවුන් නිවේදනය කර තිබේ.

“කිං ඛාන්” ලෙස ජනප්‍රියව සලකනු ලබන සම්මානලාභී සුපිරි තරුව එම සමාරම්භක සාදයට පැමිණීමෙන් ජෝන් කීල්ස් හෝල්ඩිංග්ස් සහ මෙල්කෝ රිසෝර්ට්ස් ඇන්ඩ් එන්ටර්ටේන්මන්ට් හි කැපී පෙනෙන හවුල්කාරිත්වය හරහා සංවර්ධනය කරන ලද දකුණු ආසියාවේ පළමු සුඛෝපභෝගී ඒකාබද්ධ නිවාඩු නිකේතනය ස්ථාපිත කිරීම අවධාරනය කරයි.

2025 වසරේ කලාපයේ වඩාත්ම ආකර්ෂණීය සිදුවීම ලෙස සැලකෙන සිටි ඔෆ් ඩ්‍රීම්ස් ශ්‍රී ලංකා විවෘත කිරීම, සුඛෝපභෝගී සහ විනෝදාස්වාදයේ නව යුගයක් සනිටුහන් කරමින් නිවාඩු නිකේතනයේ “Let’s Go, Let Go” ව්‍යාපාරයේ නිල දියත් කිරීම ද සනිටුහන් කරයි.

Melco Resorts & Entertainment විසින් මෙහෙයවනු ලබන මෙම ඒකාබද්ධ නිවාඩු නිකේතනයේ ලෝක මට්ටමේ කැසිනෝ ශාලාවක් ද ඇත. එය Melco හි සුඛෝපභෝගී හෝටල් සන්නාමය වන Nuwa හි ප්‍රවේශය ද සනිටුහන් කරයි.

අමුත්තන් සඳහා වෙන් වූ සුඛෝපභෝගී හෝටල් කාමර 800කට අධික සංඛ්‍යාවක් ද එහි තිබේ.