සිය වෙබ් අඩවිය භාවිත කිරීමෙන් නව ඡන්ද දායකයන්ට ඡන්ද හිමි නාමලේඛනයට ඇතුළත්වීමට ලියාපදිංචි විය හැකි බව ජාතික මැතිවරණ කොමිෂන් සභාව පවසයි.

මැතිවරණ කොමසාරිස් ජනරාල් සමන් ශ්‍රී රත්නායක විසින් ඊට අදාළව චක්‍රලේඛයක් නිකුත් කර ඇති අතර, එහි දැක්වෙන්නේ මැතිවරණ කොමිෂන් සභාවේ වෙබ් අඩවිය වන Election.gov.lk වෙත පිවිසීමෙන් ඡන්ද දායකයන්ට ලියාපදිංචි විය හැකි බවයි.

නව ඡන්ද හිමි නාමලේඛනය මේ වන විට සම්පාදනය වෙමින් පවතී. ඡන්ද හිමි නාමලේඛනය සංශෝධනය කිරීම ග්‍රාම නිලධාරී නිලධාරීන්ගේ මැදිහත්වීමෙන් වාර්ෂිකව සිදු කෙරේ.

පුරවැසියන්ට ඡන්ද හිමි නාමලේඛනයට සිය නම ඇතුළත් කර ගැනීමට සහ අවශ්‍ය සංශෝධන සිදුකිරීමට ද මැතිවරණ කොමිසම දැන් අවස්ථාව ලබා දී ඇත.