මවගේ අනි­යම් සැමි­යාගේ පහරකෑමෙන් අවු­රුදු දෙකයි මාස හත­රක් වය­සැති සිඟි­ත්ත­යක් ජීවි­ත­ක්ෂ­යට පත්වීමේ පුව­තක් හෝමා­ගම, මාග­ම්මන සමඟි මාව­තෙන් වාර්තා වෙයි.

මෙසේ මිය­ගොස් ඇත්තේ හෝමා­ගම, මාගම්ම්න, සමඟි මාවතේ, නො 125 /4හි පදිංචි පරින්දි දිලන්යා සිඟි­ත්ති­යයි. මෙම දිය­ණිය සිය මව හා අවු­රුදු 11ක් වය­සැති වැඩි­ම­හල් සහෝ­ද­රයා, ආච්චි අම්මා සහ සීයා සමඟ නි‍ෙවසේ වාසය කර තිබේ. මේ කලය තුළදී මව සමඟ ඇති වූ ආර­වු­ලක් දුර­දිග යෑමෙන් පියා පවුල අත­හැර ගොස් තිබේ. පසුව මව වෙනත් පුද්ග­ල­යකු සමඟ අනි­යම් සම්බ­න්ධ­තා­වක් පව­ත්වා­ගෙන ගොස් ඇතැයි පැවසේ. ඒ අනුව එම පුද්ග­ලයා නිර­න්ත­ර­යෙන් නිවෙ­සට යන එන අතර ඇතැම් අව­ස්ථා­ව­ලදී නි‍ෙවසේ නතර වී සිටී­මට ද පුරු­දුව සිට ඇත.

මේ කාලය තුළදී මිය­ගිය දිය­ණිය ඔහුට ‘තාත්තා‘ ලෙස ආම­න්ත්‍ර­ණය නොකි­රීම නිසා ඊට උරණ වී අවස්ථා ගණ­නා­ව­කදී දරු­වාට පහ­රදී ඇති බවත් ඊට සහාය වෙමින් මව ද දරු­වාට පහ­රදී තාත්තා ලෙස කතා කරන ලෙසට බල­කර ඇති බවට තොර­තුරු අනා­ව­ර­ණය වූ බවත් පැවසේ.

මෙවන් පසු­බි­මක් යටතේ මෙම පුද්ග­ලයා 12දා රාත්‍රී නිව­සට පැමිණ පසුදා 13දා අලු­යම ද දරු­වාට පහ­රදී තිබේ. ඉන් පසුව 13දා උදෑ­ස­නම පදිං­චි­යට වෙනත් නිවෙ­සක් බැලී­මට යන බව පවසා දිය­ණිය ද කැටුව නිවෙව­සින් ගිය සැක­කරු එදින සවස දිය­ණිය රැගෙන නිවෙව­සට පැමි­ණෙන අව­ස්ථා­වේදී දිය­ණිය කිසි­යම් අසා­ත්මි­ක­තා­ව­කින් පසුවී ඇති බව පැවසේ.

එහෙත් එම පුද්ග­ලයා හෝ දරු­වාගේ මව තම දිය­ණි­යව රෝහ­ල්ගත කිරී­මට උත්සා­හ­යක් නොදැ­රීම නිසා ඊට උරණ වූ දැරි­යගේ ආච්චි අම්මා ඔවුන් දෙදෙ­නාට බැන­වැදී පොලී­සි­යට යන බව පවසා නිවෙසින් පිටව ගොස් තිබේ. මේ අව­ස්ථා­වේදී දරුවා රෝහ­ල්ගත කිරී­මට වාහ­න­යක් රැගෙන එන බව පවසා ඔහු නිවෙ­සින් පිටව ගොස් ඇතත් ඔහු නොපැ­මි­ණීම නිසා දරු­වාගේ මව බාල සහෝ­ද­රයා සමඟ යතු­රු­පැ­දි­ය­කින් හෝමා­ගම මූලික රෝහ­ලට දරුවා රැගෙන යෑමෙන් පසුව පරීක්ෂා කළ වෛද්‍ය­ව­රුන් පවසා ඇත්තේ ඒ වන විටත් දරුවා මිය­ගොස් ඇති බවයි.

පසුව සිද්ධිය වාර්තාවීමත් සමඟ නිල­ධාරි කණ්ඩා­ය­මක් හෝමා­ගම මූලික රෝහ­ලට ගොස් එම සිද්ධි­යට සැක­පිට දිය­ණි­යගේ මව අත්අ­ඩං­ගු­වට ගෙන තිබේ. මෙම කාන්තාව මීට පෙර මෙම දරු­වා­ටත් වස පොවා ඇයද දිවි නසාගැනී­මට උත්සාහ දරා ඇති අතර ඒ සම්බ­න්ධ­යෙන් පොලිස් පැමි­ණි­ල්ල­ක්‌ ද කර තිබිණි.

මෙම කාන්තාව දැනු­ම්වත්ව සක­කරු මෙම දිය­ණිය ඝාත­නය කළා­දැයි පොලී­සි­යට සැක­යක් මතුව තිබේ. සිද්ධි­යට සම්බන්ධ සැක­කරු මේ වන විට ප්‍රදේ­ශ­යෙන් පළාගොස් ඇති අතර ඔහු සොයා පොලී­සිය පරී­ක්ෂණ ආරම්භ කර තිබේ. සිද්ධිය වූ ස්ථාන­යට ගල්කිස්ස සොකො නිල­ධා­රීන් පැමිණ පරී­ක්ෂණ සිදුකරනු ලැබීය.

පසුව කැස්බෑව වැඩ බලන මහේ­ස්ත්‍රාත් ඔෂාරි ජය­කොඩි පැමිණ ස්ථානීය පරී­ක්‍ෂ­ණය සිදු­කොට දේහය හෝමා­ගම මූලික රෝහලේ තැන්පත් කොට ඇති බැවින් හෝමා­ගම මහේ­ස්ත්‍රා­ත්ව­රයා රෝහ­ලට කැඳවා දේහය පිළි­බඳ පශ්චාත් මරණ පරී­ක්ෂ­ණය සඳහා නියෝ­ග­යක් ලබා­ගන්නා ලෙස පොලී­සි­යට නියෝග කළාය.

ඒ අනුව හෝමා­ගම වැඩ­බ­ලන මහේ­ස්ත්‍රාත් පද්ම­සිරි ජය­ව­ර්ධන හෝමා­ගම මූලික රෝහ­ලට පැමිණ දේහය පරී­ක්ෂා­කොට හෝමා­ගම මූලික රෝහලේ විශේ­ෂඥ අධි­ක­රණ වෛද්‍ය­ව­රයා ලවා බිලිඳු මළ සිරුරේ පශ්චාත් මරණ පරී­ක්‍ෂ­ණය සිදු කොට එහි වාර්තාව අධි­ක­ර­ණ­යට ඉදි­රි­පත් කරන ලෙසට පොලී­සි­යට නියෝග කළේය.

සිද්ධි­යට සම්බන්ධ දිය­ණි­යගේ මව අත්අ­ඩං­ගු­වට ගෙන මිය­ගිය දිය­ණි­යගේ සීයා සහ ආච්චි­ගෙන් මෙන්ම වැඩි­ම­හල් සහෝ­ද­ර­යා­ගෙන් ද ප්‍රකාශ සට­හන් කොට­ගත් බවත් අත්අ­ඩං­ගු­වට ගත් කාන්තාව කැස්බෑව අධි­ක­ර­ණ­යට ඉදි­රි­පත් කිරී­මට නිය­මිත බවත් පොලී­සිය සඳ­හන් කරයි.(දිනමිණ)