පළමු ටෙස්ට් තරඟයේ 150 වැනි සංවත්සරය සැමරීම සඳහා ලබන වසරේ මෙල්බර්න් හි පැවැත්වෙන විශේෂ තරගය ආශ්‍රිත උත්සවයට බ්‍රිතාන්‍යයේ චාල්ස් රජුට සහ ගෝලීය ක්‍රිකට් රාජකීයයන්ට ආරාධනා කර ඇති බව නිලධාරීන් ප්‍රකාශ කර තිබේ.

එසේම වසරකට පෙරම ටිකට්පත් අලෙවිය ද ආරම්භ කර ඇත.

මෙම සන්ධිස්ථානය සැමරීම සඳහා ඕස්ට්‍රේලියාව ලබන වසරේ මාර්තු 11-15 දක්වා මෙල්බර්න් ක්‍රිකට් ක්‍රීඩාංගණයේ විදුලි ආලෝකය යටතේ එංගලන්තය සමඟ ක්‍රීඩා කරනු ඇත.

එය 1877 දී මෙම පරම ප්‍රතිවාදීන් දෙදෙනා අතර ක්‍රීඩා කරන ලද පළමු ටෙස්ට් තරඟය සැමරීම සඳහා එම ක්‍රීඩාංගණයේදීම පැවැත්වීමට නියමිතය.

1977 සියවස් ටෙස්ට් තරඟයට ක්‍රීඩා කළ ඕස්ට්‍රේලියානු සහ එංගලන්ත කණ්ඩායම්වල සියලුම සාමාජිකයන් මේ සඳහා සහභාගී වීමට නියමිතය.

දෙවැනි එලිසබෙත් රැජින එම තරඟයට සහභාගී වූ අතර 2027 දී චාල්ස් රජු මෙම සංචාරය කරනු ඇතැයි නිලධාරීන් බලාපොරොත්තු වේ.

ඕස්ට්‍රේලියානු ප්‍රධානී ටොඩ් ග්‍රීන්බර්ග් පවසන්නේ රජු හෝ නියෝජිතයෙක් මෙහි පැමිණෙන ලෙස ඕස්ට්‍රේලියාවේ සහ එක්සත් රාජධානියේ රජය වැනි සියලුම සුදුසු මාර්ග හරහා ආරාධනයක් ඉදිරිපත් කර ඇති බවයි.

ක්‍රිකට් ඕස්ට්‍රේලියා තහවුරු කළේ ආරාධනයක් නිකුත් කර ඇති බවයි.

“පළමු දිනයේ ආරම්භක පන්දුව සඳහා රාජකීය නියෝජනයක් ඇති බවට අපිට සහතික වෙන්න පුළුවන්.” යනුවෙන් ඔහු පැවසීය.

මෙල්බර්න් ක්‍රිකට් ක්‍රීඩාංගණයේ පිරිමි දිවා-රාත්‍රී ටෙස්ට් තරඟයක් පැවැත්වෙන පළමු අවස්ථාව මෙය වනු ඇත.

දැනටමත් ටිකට්පත් 125,000කට වඩා අලෙවි වී ඇති අතර, දින 1 සිට 3 දක්වා කාලය තුළ මහජන වෙන්කිරීම් බොහොමයක් අවසන් වී ඇත.

“ටෙස්ට් සහ ඒ සමඟ එන විනෝදාස්වාදය සහ සිදුවීම් ඉතා වැදගත් සන්ධිස්ථානයක යෝග්‍ය සැමරුමක් සහතික කිරීම සඳහා අපට අපූරු සැලසුම් කිහිපයක් තිබෙනවා. වැදගත්ම දෙය නම්, ටෙස්ට් ක්‍රිකට් ක්‍රීඩාව මෙතරම් අපූරු හා කල් පවතින ක්‍රීඩා පිටියක් බවට පත් කළ ශ්‍රේෂ්ඨ ක්‍රීඩකයන්ට අපි ගෞරව කරනව, ක්‍රිකට් ලෝකය මෙල්බර්න් වෙත පිළිගැනීමට අපි බලා සිටිනවා.” යැයි ඔහු පැවසුවේය.

අන්තර්ජාතික ක්‍රිකට් කවුන්සිලයේ කීර්තිමත් නාමාවලියට ඇතුළත් වූ සියලුම ජීවමාන පිරිමි සහ කාන්තා සාමාජිකයන්, හිටපු ටෙස්ට් නායකයන් සහ ඕස්ට්‍රේලියාවේ සහ එංගලන්තයේ හිටපු ටෙස්ට් ක්‍රීඩකයන්ට ද ආරාධනා කර ඇත.