June 19, 2026
ශ්රී ලංකා ක්රිකට් ආයතනයේ ඉදිරි පාලන හා පරිපාලන කටයුතු පිළිබඳව සාකච්ඡා කිරීම සඳහා ජාත්යන්තර ක්රිකට් කවුන්සිලයේ සභාපති ජේ ෂා අද කොළඹදී ජනාධිපති අනුර කුමාර දිසානායක මහතා හමු වී තිබේ.
විශ්වාසකටයුතු ආරංචි මාර්ග උපුටා දක්වමින් NewsWire වෙබ් අඩවිය වාර්තා කරන්නේ ජේ ෂා, ජනාධිපතිවරයා සමඟ විශේෂ සාකච්ඡාවක නිරත වූ බව සහ මෙම සංචාරය අතරතුර ඔහු ක්රිකට් ක්ෂේත්රයේ තවත් ප්රධාන පාර්ශ්වකරුවන් කිහිපදෙනෙකුම හමුවීමට නියමිතව ඇති බවයි.
ශ්රී ලංකා ක්රිකට් ආයතනයේ වත්මන් අතුරු පරිපාලන ව්යුහය සහ මෙරට ක්රිකට් ක්රීඩාවේ පාලන කටයුතු ඉදිරියට ගෙන යා යුතු ආකාරය පිළිබඳව මෙහිදී දීර්ඝ වශයෙන් අවධානය යොමු වී ඇති බව වාර්තා වේ.
ක්රිකට් පරිපාලනය විධිමත් කිරීම සහ ජාත්යන්තර පාලන ප්රමිතීන්ට අනුකූලව කටයුතු කිරීම සහතික කිරීම වෙනුවෙන් ශ්රී ලංකා බලධාරීන් සහ ජාත්යන්තර ක්රිකට් නිලධාරීන් අතර දැනට පවතින අඛණ්ඩ සන්නිවේදනයේ තවත් එක් පියවරක් ලෙස අයි.සී.සී. සභාපතිවරයාගේ මෙම සංචාරය සිදුවේ.
කෙසේ වෙතත්, මෙම සාකච්ඡාව සම්බන්ධයෙන් ජාත්යන්තර ක්රිකට් කවුන්සිලය හෝ ශ්රී ලංකා බලධාරීන් මෙතෙක් නිල ප්රකාශයක් සිදු කර නොමැත.
