වාහන අංක තහඩු නිකුත් කිරීමේ ප්‍රමාදයන් හේතුවෙන් මෝටර් රථ හිමියන් තවමත් දුෂ්කරතාවන්ට මුහුණ දී සිටින අතර, ප්‍රසම්පාදන ක්‍රියාවලිය තවමත් සිදුවෙමින් තිබේ.

මෝටර් රථ ප්‍රවාහන දෙපාර්තමේන්තුවේ කොමසාරිස් ජනරාල් කමල් අමරසිංහ පවසන්නේ “සැපයුම්කරුවන් 15 දෙනෙකු පමණ ඔවුන්ගේ ලංසු ඉදිරිපත් කර තිබෙනවා. කැබිනට් මණ්ඩලය විසින් පත් කරන ලද සාකච්ඡා කමිටුව පසුගිය සතියේ සමාගම් සමඟ සාකච්ඡා පැවැත්වූවා. කෙටි ලැයිස්තුගත සැපයුම්කරුවන්ගේ සාම්පල දැන් තාක්ෂණික ඇගයීම සඳහා යොමුකර තිබෙනවා” යනුවෙනි.

අංක තහඩු නිකුත් කිරීම සඳහා කාල රාමුවක් ලබා දීමට ඔහුට නොහැකි විය.

කලින් දුන් පොරොන්දුවක් මාස දෙකකි.

ප්‍රමාදයෙන් බලපෑමට ලක් වූ රියදුරන්ට දඬුවම් නොකරන ලෙස පොලිසියට දන්වා ඇත.

“අංක තහඩු නිකුත් කිරීමේ ප්‍රමාදය ජනතාවට අපහසුතාවක් ඇති කර තිබෙනවා,” රථවාහන පාලන සහ මාර්ග ආරක්ෂාව භාර නියෝජ්‍ය පොලිස්පති ඉන්දික හපුගොඩ පැවසීය.

“එවැනි මෝටර් රථ සඳහා දඩ මුදල් නොදෙන ලෙස අපි පොලිස් නිලධාරීන්ට උපදෙස් දී තිබෙනවා. කෙසේවෙතත්, රියදුරන් සෑම විටම ඔවුන්ගේ රියදුරු බලපත්‍රය, වාහන ලියාපදිංචි සහතිකය සහ රක්ෂණ සහතිකය රැගෙන යා යුතුය.’’යනුවෙන් ඔහු සඳහන් කළේය.

අත්‍යවශ්‍ය ලියකියවිලි රැගෙන යන්නේ නම් නව වාහන හිමිකරුවන්ට අංක තහඩු නොමැතිව රිය පැදවීමට අවසර දෙනු ලැබේ.